मॉडिफाईड सायलेंसरवर नांदेड ग्रामीण पोलिसांची कारवाई; सात दुचाकीस्वारांवर गुन्हा

कारवाईदरम्यान MH 38 AB 8493, MH 26 DU 7738, MH 26 CX 1374, MH 26 AZ 2371, MH 26 5228 तसेच विनाक्रमांकाची लाल रंगाची दुचाकी अशा वाहनांचा समावेश असल्याचे पोलिसांच्या प्रेस नोटमध्ये नमूद आहे. यातील काही दुचाकीस्वार अल्पवयीन असल्याचेही समोर आले. या प्रकरणी नांदेड ग्रामीण पोलीस ठाण्यात गुन्हा रजिस्टर क्रमांक 1047/2026, भारतीय न्याय संहितेतील कलम 281 व 125 अन्वये गुन्हा दाखल करण्यात आला आहे. कर्णकर्कश आवाज करणारे सायलेंसर बसवून वाहन चालविणे, वाहनांमध्ये अनधिकृत बदल करणे आणि वाहतुकीच्या नियमांचे उल्लंघन करणे टाळावे, असे आवाहन नांदेड जिल्हा पोलिसांनी केले आहे. अशा प्रकारांवर यापुढेही कठोर कायदेशीर कारवाई करण्यात येणार असल्याचा इशाराही पोलिसांनी दिला आहे.