VastavNEWSLive.com – a leading NEWS portal of Maharahstra

नांदेड ग्रामीण

अर्धापूरमध्ये जादूटोणा प्रतिबंधक कायद्यान्वये १३ जणांविरुद्ध गुन्हा दाखल!

November 3, 2026 Kanthak Suryatal

गुप्तधन काढण्यासाठी अघोरी कृत्य; खड्डा खोदताना संशयितांना पकडले, काही आरोपी फरार

अर्धापूर (प्रतिनिधी) – गुप्तधन काढण्याच्या उद्देशाने अघोरी कृत्य करून जादूटोणा केल्याच्या संशयावरून अर्धापूर पोलिसांनी १३ जणांविरुद्ध जादूटोणा प्रतिबंधक कायद्यान्वये गुन्हा दाखल केला आहे. ही घटना १ नोव्हेंबर २०२६ रोजी रात्री सुमारे ११.१५ वाजण्याच्या सुमारास मो. कासारखेडा येथील मोकळ्या जागेत घडली. या कारवाईमुळे परिसरात खळबळ उडाली आहे.

मिळालेल्या माहितीनुसार, संबंधित व्यक्ती अघोरी पद्धतीने कृत्य करून पाणी दम करून गुप्तधन काढण्याच्या उद्देशाने खड्डा खोदत असल्याची माहिती पोलिसांना मिळाली. त्यानुसार पोलिसांनी कारवाई केली. याप्रकरणी फिर्यादी पोलीस अंमलदार सुरेश भगवानराव भोसले यांच्या तक्रारीवरून अर्धापूर पोलीस ठाण्यात गुन्हा क्रमांक ५९८/२०२६ अन्वये गुन्हा दाखल करण्यात आला आहे.
पोलिसांनी दाखल केलेल्या गुन्ह्यात एकूण १३ जणांची नावे नमूद करण्यात आली आहेत. त्यामध्ये शेख असार शेख सत्तार, सुफियान अन्सार शेख आणि हासीम पठाण हे फरार असल्याचे नमूद आहे. इतर आरोपींची नावे पुढीलप्रमाणे आहेत.

गुन्ह्यातील आरोपींची नावे :

* शेख असार शेख सत्तार (फरार)

* सुफियान अन्सार शेख (फरार)

* मतिन अन्सार शेख (वय २७, रा. कासारखेडा, ता. अर्धापूर)

* हासीम पठाण (रा. बालूर, जि. परभणी, फरार)

* सय्यद रहीम सय्यद गफ्फुर (वय ४२, रा. मस्तानपुरा, ता. पूर्णा)

* संतोष रघुनाथसिंग ठाकूर (वय ४२, रा. महाराणा प्रताप चौक, ता. पूर्णा)

* रऊफ खान भौजम खान पठाण (वय ४९, रा. महाराणा प्रताप चौक, ता. पूर्णा)

* निझ मुजाहिदीन बेग (वय ३०, रा. निशानिया कॉलनी, छत्रपती संभाजीनगर)

* तुजिबखान जाफर खान पठाण (वय ३९, रा. मस्तानपुरा, ता. पूर्णा)

* जावेद रशीद शेख (वय ३८, रा. इंदिरानगर, बायजीपुरा, छत्रपती संभाजीनगर)

* शेख रिजवान शेख अजीम (वय ३०, रा. बारिकोलागी, रोशनगेट, छत्रपती संभाजीनगर)

* शेख यशिम शेख पाशा (वय ३४, रा. बाबर कॉलनी, छत्रपती संभाजीनगर)

* अफरोज आवेद फारुखी (वय ५१, रा. पडेंगाव, छत्रपती संभाजीनगर).

या प्रकरणी अर्धापूर पोलीस ठाण्यात भारतीय न्याय संहिता २०२३ चे कलम ३(५) तसेच महाराष्ट्र नरबळी व इतर अमानुष, अनिष्ट व अघोरी प्रथा व जादूटोणा प्रतिबंधक अधिनियमाच्या कलम ३(१)(२) अन्वये गुन्हा दाखल करण्यात आला आहे. या गुन्ह्याचा पुढील तपास पोलीस निरीक्षक भगत करीत आहेत.

नांदेड ग्रामीण

मुखेड पोलिसांची धडक कारवाई; कत्तलीसाठी जाणाऱ्या सात गोवंश जनावरांची सुटका!

नांदेड ग्रामीण

सोनखेडच्या गोरगरीब रुग्णांना स्थानिक पातळीवरच दर्जेदार उपचार द्या !

नांदेड ग्रामीण

मुदखेड पोलिसांची अवैध रेती वाहतुकीवर धडक कारवाई; ४०.२५ लाखांचा मुद्देमाल जप्त

क्राईम

नांदेड जिल्ह्यात बँक ग्राहकांची फसवणूक; मुदखेडमध्ये २.४३ लाखांचा अपहार, नायगावमध्ये एटीएम कार्ड बदलून १४ हजार लंपास!

November 3, 2026 Kanthak Suryatal

मुदखेड व नायगाव पोलिसांत दोन स्वतंत्र गुन्हे दाखल; पोलिसांकडून तपास सुरू

नांदेड (प्रतिनिधी) – बँक ग्राहकांच्या विश्वासाचा गैरफायदा घेत फसवणूक करण्याचे प्रकार जिल्ह्यात समोर आले आहेत. मुदखेड येथे बँकेच्या कर्मचाऱ्याने कर्जदारांकडून वसूल केलेली रक्कम बँकेत जमा न करता स्वतःच्या फायद्यासाठी वापरल्याचा प्रकार उघडकीस आला आहे. या प्रकरणात तब्बल २ लाख ४३ हजार ६३६ रुपयांचा अपहार झाल्याचे समोर आले आहे. तर दुसऱ्या घटनेत नायगाव येथील स्टेट बँक ऑफ इंडियाच्या एटीएममध्ये अनोळखी व्यक्तींनी संगनमत करून एटीएम कार्डची अदलाबदल करत ग्राहकाच्या खात्यातून १४ हजार रुपये काढून घेतल्याची घटना घडली आहे. या दोन्ही प्रकरणांत संबंधित पोलीस ठाण्यांत स्वतंत्र गुन्हे दाखल करण्यात आले आहेत.

मुदखेडमध्ये बँक कर्मचाऱ्याकडून २.४३ लाखांचा अपहार

मुदखेड येथे ६ नोव्हेंबर २०२४ ते ३ मार्च २०२५ या कालावधीत भारत फायनान्शियल इन्क्लुजन बँकेच्या मुदखेड शाखेत कार्यरत असलेला आरोपी नागेश शंकर शिंदे रा. मांजरम याने कर्जदार लोकांकडून कर्जाची रक्कम वसूल केली. मात्र, वसूल केलेली एकूण २ लाख ४३ हजार ६३६ रुपयांची रक्कम बँकेच्या कार्यालयात जमा न करता स्वतःच्या फायद्यासाठी जवळ ठेवून फिर्यादीसह इतर लोकांची फसवणूक केल्याचा आरोप आहे. याप्रकरणी भारत फायनान्शियल इन्क्लुजन बँक, शाखा मुदखेडचे शाखा व्यवस्थापक व फिर्यादी नितीन शिवाजीराव वाघमारे (वय ३० वर्षे) यांनी दिलेल्या तक्रारीवरून मुदखेड पोलीस ठाण्यात गुन्हा क्रमांक २३१/२०२६ अन्वये भारतीय न्याय संहिता २०२३ मधील कलम ३१८(४), ३१६(४) प्रमाणे गुन्हा दाखल करण्यात आला आहे. या प्रकरणाचा तपास सपोनि राठोड करीत आहेत.

नायगावमध्ये एटीएम कार्डची अदलाबदल करून १४ हजारांची चोरी

दुसरी घटना नायगाव येथील स्टेट बँक ऑफ इंडिया शाखेच्या एटीएममध्ये २८ ते ३१ ऑक्टोबर २०२६ दरम्यान घडली. फिर्यादी एटीएममध्ये बॅलन्स चेक करीत असताना दोन अनोळखी इसमांनी संगनमत करून त्यांच्या हातातील एटीएम कार्डची अदलाबदल केली. त्यानंतर संबंधित कार्डचा वापर करून वेगवेगळ्या एटीएममधून १४ हजार रुपये काढून घेत फिर्यादीची फसवणूक केली.याप्रकरणी फिर्यादी शंकर धोंडिबा शिंदे (वय ५८ वर्षे, रा. मांजरम) यांनी दिलेल्या तक्रारीवरून नायगाव पोलीस ठाण्यात गुन्हा क्रमांक २३९/२०२६ अन्वये भारतीय न्याय संहिता २०२३ मधील कलम ३१८(४), ३(५) प्रमाणे गुन्हा दाखल करण्यात आला आहे. या प्रकरणाचा तपास पोहेकॉ पवार करीत आहेत.

बँक ग्राहकांनी सतर्क राहण्याची गरज

बँकिंग व्यवहारांमध्ये ग्राहकांची फसवणूक होण्याचे प्रकार वाढत असल्याने नागरिकांनी विशेष काळजी घेणे आवश्यक आहे. एटीएममध्ये व्यवहार करताना आपले कार्ड अनोळखी व्यक्तीच्या हातात देऊ नये, पिन क्रमांक कोणालाही सांगू नये आणि कार्डची अदलाबदल होणार नाही याची दक्षता घ्यावी. तसेच बँकेच्या नावाखाली आर्थिक व्यवहार करणाऱ्या कर्मचाऱ्यांकडून पावती व अधिकृत नोंदी तपासाव्यात, असे आवाहन या घटनांच्या पार्श्वभूमीवर महत्त्वाचे ठरत आहे.