आरटीआय कार्यकर्ता शेख जाकीरवर फसवणूक, लैंगिक शोषण आणि बनावट कागदपत्रांचे गंभीर आरोप

वैयक्तिक आरोप आणि बदनामी: ऍडव्होकेट प्रमोद नरवाडे यांनी सांगितले की, प्रभाग क्रमांक २ च्या महिला नगरसेविकेच्या जात पडताळणीचे काम सुरुवातीला शेख जाकीरला देण्यात आले होते. मात्र, झाकीरने नरवाडे आणि त्यांच्या कुटुंबाविरोधात, विशेषतः त्यांच्या पत्नीबद्दल फेसबुकवर अपमानास्पद पोस्ट लिहिल्या आहेत. जाकीरने नरवाडे यांना बेवड्या आणि काळे दात असे संबोधून त्यांची बदनामी केली आह. यावर उत्तर देताना नरवाडे यांनी कबूल केले की ते पूर्वी दारू पित होते, परंतु त्यांच्या पत्नीने त्यांना पुण्यातील मुक्तांगण पुनर्वसन केंद्रात दाखल केले होते आणि आता त्यांनी गेल्या ९ वर्षांपासून दारू सोडली आहे.

संस्थात्मक आणि नोंदणी फसवणूक: नरवाडे यांनी गंभीर आरोप केला आहे की, शेख जाकीर हा जनहित माहिती सेवा समिती आणि माहिती अधिकार संरक्षण समिती अशा दोन वेगवेगळ्या संघटनांसाठी एकाच नोंदणी क्रमांकाचा (F-3330/NDD) वापर करून नागरिकांची दिशाभूल करत आहे. (अगोदर तर हा शेख जाकीर ACB असे आपल्या संस्थेचे नाव लिहीत होता ज्यामूळे लोकांना अँटी करप्शन ब्युरो वाटावे) तसेच, जाकीरने स्वतःला महाराष्ट्र भूषण म्हणून मिरवले आहे, परंतु त्याला हा पुरस्कार कोणी आणि का दिला, असा प्रश्न नरवाडे यांनी उपस्थित केला आहे.

अनैतिक संबंध आणि लैंगिक शोषणाचे आरोप:

• शेख जाकीरचे अनेक महिलांशी, ज्यात काही सरकारी महिला कर्मचाऱ्यांचाही समावेश आहे, अनैतिक संबंध असल्याचा आरोप नरवाडे यांनी केला आहे .
• अर्धापूर पोलीस ठाण्यातील एका महिला कॉन्स्टेबलशी (जिला दुसऱ्यांदा अर्धापूर मध्ये नियुक्ती शेख जाकीरने मिळवून दिली आहे,तेव्हा अबिनाश कुमार हे पोलीस अधीक्षक अधीक्षक होते,मात्र जाता जाता त्यांनीच तिची चौकशी सुद्धा लावलेली आहे) आणि विमानतळ पोलीस ठाण्यातील एका होमगार्ड महिलेशी त्याचे संबंध असल्याचे त्यांनी नमूद केले.
• एका मुलीला ब्लॅकमेल करून तिचे लैंगिक शोषण केले जात असून, तिच्या नावावर चक्क २२ ते २४ क्रेडिट कार्ड्स चालवली जात आहेत, असा धक्कादायक दावा नरवाडे यांनी केला आहे.

 तक्रारी आणि ब्लॅकमेलिंगचा व्यवसाय:

• नरवाडे यांच्या मते, जाकीरने आतापर्यंत ४०-५० केसेस केवळ ब्लॅकमेलिंगसाठी केल्या आहेत .
• लाचलुचपत प्रतिबंधक विभागात त्याने १७ अर्ज दिले होते, परंतु त्यापैकी १६ अर्जांमध्ये त्याने तडजोड करून ते निकाली काढले, असा आरोप नरवाडे यांनी कागदपत्रांच्या आधारे केला आहे.
• मोहम्मद जकी अब्दुल रशीद या वृद्ध व्यक्तीला भडकावून आणि धमकावून नगरसेविकेच्या विरोधात तक्रार देण्यास भाग पाडले, असेही त्यांनी सांगितले.

गुंठेवारी आणि जमिनीची फसवणूक:

• नांदेडमधील सांगवी भागातील काही गट क्रमांकांबाबत (उदा. ३१९, ३३८, ३३६) झाकीरने बनावट गुंठेवारी प्रमाणपत्रे तयार केल्याचा आरोप नरवाडे यांनी केला आहे.
• महानगरपालिकेच्या पत्रांचा दाखला देत त्यांनी सांगितले की, ज्या गटांमध्ये गुंठेवारी झालेली नाही, तिथेही फसवणूक केली जात आहे. नागरिकांनी तिथे प्लॉट घेण्यापूर्वी शहानिशा करावी, असे आवाहन त्यांनी केले.(असाच काहीसा धंदा अर्धापूर मध्ये सुद्धा सुरु आहे)

कायदेशीर मागणी: नरवाडे यांनी पोलीस प्रशासनाला आणि नवीन एसपी (SP) साहेबांना विनंती केली आहे की, जाकीर शेखच्या या सर्व कृत्यांची, विशेषतः संस्थांच्या नोंदणी क्रमांकांची आणि त्याच्या मालमत्तेची सुमोटो चौकशी करून गुन्हे दाखल करावेत. (एसपी साहेबानी असे केले तर शेख जाकीरने अन्याय केलेले,सतावलेले असंख्य लोक उभे राहतील) त्यांनी असेही स्पष्ट केले की, त्यांनी आतापर्यंत केवळ १० ते १२ टक्के माहिती उघड केली असून अजून ८८ टक्के माहिती त्यांच्याकडे उपलब्ध आहे.