पोलीस स्टेशन केज यांची गोवंश तस्करीवर धडक कारवाई;6 लाख 29 हजार रुपयांचा मुद्देमाल जप्त

वाहनाची तपासणी केली असता त्यामध्ये सात देशी गावरान गोवंशीय बैल कोंबून नेले जात असल्याचे आढळून आले. जनावरांच्या वाहतुकीसाठी आवश्यक परवाना व कागदपत्रांची मागणी केली असता चालकाकडे कोणतेही वैध कागदपत्र नसल्याचे निष्पन्न झाले. त्यानंतर वाहन पोलीस ठाणे केज येथे आणून पंचांसमक्ष तपासणी करण्यात आली.

तपासणीत सात देशी गावरान बैलांची अंदाजे किंमत 2 लाख 79 हजार रुपये तर आयशर वाहनाची किंमत 3 लाख 50 हजार रुपये असल्याचे आढळून आले. याप्रमाणे एकूण 6 लाख 29 हजार रुपयांचा मुद्देमाल जप्त करण्यात आला.

या प्रकरणी आरोपी मोबीनखान शेरखान याच्याविरुद्ध प्राण्यांचा छळ प्रतिबंधक अधिनियम 1960 चे कलम 11(1)(d), महाराष्ट्र पोलीस अधिनियम कलम 119 तसेच महाराष्ट्र मोटार वाहन अधिनियमातील कलम 83, 130 व 177 अन्वये गुन्हा दाखल करण्यात आला असून पुढील तपास केज पोलीस करीत आहेत.