नांदेड (प्रतिनिधी) – नांदेड जिल्ह्यात अवैध धंद्यांविरोधात सुरू असलेल्या विशेष मोहिमेअंतर्गत वजीराबाद गुन्हे शोध पथकाने अबचलनगर परिसरातील एका तिरट जुगार अड्ड्यावर छापा टाकून पाच जणांना ताब्यात घेतले. या कारवाईत रोख रक्कम, मोबाईल, दुचाकी वाहने व जुगार साहित्य असा एकूण ₹3 लाख 55 हजार 300 रुपयांचा मुद्देमाल जप्त करण्यात आला. पोलिसांना गुप्त बातमीदारामार्फत झुलेलाल मंदिराजवळ खोली क्रमांक ३०९ मध्ये काही जण पैशांवर तिरट जुगार खेळत असल्याची माहिती मिळाली होती. त्यानुसार गुन्हे शोध पथकाने पंचांसह घटनास्थळी छापा टाकला असता पाच जण जुगार खेळताना आढळून आले. पोलिसांनी कायदेशीर प्रक्रिया पूर्ण करून आरोपींकडून रोख रक्कम, बदक छाप पत्ते, पाच मोबाईल फोन आणि चार दुचाकी वाहने जप्त केली. या प्रकरणी वजीराबाद पोलीस ठाण्यात जुगारी रवी पेगाजी गवळे (४१),विकास रामराव सरपोत (३५),अतुल भगवानराव वाडे (३५) रा. गुरुवार बाजार सिडको नांदेड,मुकेश पांडुरंग लोलगे (३६) रा. भोजलाल गवळी चौक नांदेड,चंद्रशेखर गणपतराव पवार (३३) रा . सिडको नांदेड या पाच जणांविरुद्ध महाराष्ट्र जुगार प्रतिबंधक अधिनियमाच्या कलम 4 व 5 अन्वये गुन्हा दाखल करण्यात आला असून पुढील तपास सुरू आहे. ही कारवाई पोलीस अधीक्षक डॉ. नीलाभ रोहन यांच्या मार्गदर्शनाखाली पोलीस उप अधीक्षक रामेश्वर व्येंजने,पोलीस निरीक्षक अजित कुंभार, सहायक पोलीस निरीक्षक लोढे, पोलीस उप निरीक्षक सुनील बुलंगे व गुन्हे शोध पथकातील पोलीस अंमलदार गणेश धुमाळ,विलास कदम,ज्वालासिंग बावरी,किशोर जयस्वाल,संतोष पोकळे यांनी केली. तसेच जिल्हा पोलिसांनी नागरिकांना परिसरात अवैध जुगार, मटका अथवा तत्सम बेकायदेशीर प्रकार सुरू असल्यास तात्काळ पोलिसांना माहिती देण्याचे आवाहन केले आहे. Kanthak Suryatal Post Views: 1,614 Facebook WhatsApp Telegram Twitter LinkedIn Snapchat Threads Post navigation गुजरात लॉबी विरुद्ध जेंजी: सत्तेच्या आयर्न फिस्ट ने तरुण पिढीला चिरडण्याचा प्रयत्न? राजाचा दरबार की लोकशाहीचा जागर? १३ हजार मुलींचा डान्स आणि आसामचा आक्रोश!
