नांदेड-स्वामी रामानंद तीर्थ मराठवाडा विद्यापीठ व पीपल्स कॉलेज यांच्या संयुक्त विद्यमाने आयोजित अंतर महाविद्यालयीन “क” झोन क्रिकेट स्पर्धेत पीपल्स कॉलेजने अंतिम सामन्यात एस.जी. जी.एस. कॉलेजच्या महिला संघाचा पराभव करत विजयाची हॅट्रिक संपादन केली.
स्वामी रामानंद तीर्थ मराठवाडा विद्यापीठाच्या अंतर महाविद्यालयीन “क” झोन क्रिकेट स्पर्धेत पीपल्स कॉलेज आणि एस.जी.जी.एस. कॉलेजचा अंतिम क्रिकेटचा सामना अत्यंत रंगतदार पीपल्स कॉलेजच्या मैदानावर झाला. मार्गदर्शक क्रीडा प्रमुख प्रा. विलास वडजे, मेंटॉर प्रा. विजय कदम व कर्णधार पूजा गलांडे यांच्या नेतृत्वात अत्यंत अटीतटीच्या सामन्यात 09 धावांनी एस.जी.जी.एस. कॉलेजचा पराभव करीत अंतर महाविद्यालयीन ” क ” झोन स्पर्धेवर पीपल्स कॉलेजचे नाव कोरले. याचबरोबर सतत 03 वर्षे विजय साकार करीत विजयाची हॅट्रिक पूर्ण केली. पीपल्स कॉलेज मुलांच्या संघाने नुकतेच विजयाची हॅट्रिक पूर्ण केली होती. विजयी खेळाडूंना महाविद्यालयाचे प्रभारी प्राचार्य डॉ. शिवशंकर भानेगावकर यांच्या हस्ते मेडल प्रदान करण्यात आले.
सर्व खेळाडूंचे संस्थेचे अध्यक्ष व माजी खासदार डॉ. व्यंकटेश काब्दे, उपाध्यक्ष सी.ए.(डॉ.) प्रवीण पाटील, सचिव सौ.श्यामल पत्की मॅडम, सहसचिव अग्रवाल, शालेय समिती अध्यक्ष ॲड. प्रदीप नागापूरकर व इतर कार्यकारिणी सदस्य, प्रभारी प्राचार्य डॉ. शिवशंकर भानेगावकर, उपप्राचार्य डॉ.अशोक सिद्देवाड, कार्यकारिणी सदस्य डॉ.यशपाल भिंगे, डॉ. डी.एन.मोरे, डॉ. विशाल पतंगे, डॉ. बाजीराव वडवळे, डॉ. सी. के. हरनावळे, डॉ. मिर्झा बेग , डॉ. साजिद,ग्रंथपाल प्रा. संदीप गायकवाड व क्रीडा विभाग प्रमुख प्रा.विलास वडजे, कार्यालयीन प्रमुख श्री.रोहिदास आडे, क्रीडा सदस्य , प्रा. विजय कदम,डॉ.विनायक देव, डॉ.विनोद चव्हाण, प्रा. किरण बिचकुंदे, नरेश कमट्टम , राहुल गवारे, सय्यद इरफान व सर्व महाविद्यालयाचे प्राध्यापक, शिक्षकेत्तर कर्मचारी यांनी खेळाडूंचे अभिनंदन केले.
