नांदेड (प्रतिनिधी) – नांदेड येथील वजीराबाद पोलीस ठाण्यात दाखल असलेल्या गंभीर गुन्ह्यात मकोका म्हणजेच महाराष्ट्र संघटित गुन्हेगारी नियंत्रण कायद्यांतर्गत अटक करण्यात आलेल्या ८ आरोपींना नांदेडच्या विशेष न्यायालयाने ३१ ऑगस्ट २०२६ पर्यंत पोलीस कोठडी सुनावली आहे. विशेष न्यायाधीश तुषार आगलावे यांच्या न्यायालयासमोर आरोपींना हजर केले असता, पोलिसांनी तपासासाठी कोठडीची मागणी केली होती, जी न्यायालयाने मान्य केली.
गुन्ह्याची पार्श्वभूमी आणि दाखल कलमे: वजीराबाद पोलीस ठाण्यात दाखल असलेल्या गुन्हा रजिस्टर क्रमांक ३०२/२०२६ अंतर्गत आरोपींवर गंभीर गुन्हे दाखल आहेत. यामध्ये खालील कलमांचा समावेश आहे:
- भारतीय न्याय संहिता म्हणजेच बीएनएस चे कलम १०३ पोटकलम १ म्हणजे खून, तसेच कलम ४९, ६१ पोटकलम २ आणि ३ पोटकलम ५.
- शस्त्र अधिनियम म्हणजेच आर्म्स ॲक्टचे कलम ३/२५, ४/२५ आणि ७/२५.
- महाराष्ट्र संघटित गुन्हेगारी नियंत्रण अधिनियम म्हणजेच मोकोका कायद्याचे सन १९९९ चे कलम ३ पोटकलम १ पोटकलम i, कलम ३ पोटकलम २ आणि कलम ३ पोटकलम ४.
या प्रकरणी खडकपुरा येथील रहिवासी शेख वसीम शेख इसाक, वय ३६ वर्षे यांनी फिर्याद दिली आहे.ज्यात त्यांचे बंदी शेख शमीमचा खून झालेला होता.
अटक करण्यात आलेल्या ८ आरोपींची नावे: पोलिसांनी प्रोड्युस वॉरंटद्वारे ताब्यात घेऊन, दिनांक २८ ऑगस्ट २०२६ रोजी दुपारी १३.५६ वाजता मोक्का गुन्ह्यात खालील आरोपींना फेरअटक केली आहे:
१. मिर्झा शब्बीर बेग मिर्झा गफार बेग, वय ३४ वर्षे, राहणार सैलाबनगर, खडकपुरा, नांदेड. हा आरोपी मूळ गुन्ह्यात यापूर्वीच अटक करण्यात आला होता. २. सय्यद सुफियान सय्यद जमिल, वय १९ वर्षे, राहणार हबीबीया मशिदीजवळ, देगलूर नाका, इतवारा, नांदेड. ३. ऋषिकेश अनिल धुले, वय २३ वर्षे, राहणार बोधीसत्त्वनगर, मालेगाव रोड, भावसार चौक, तरोडा बुद्रुक, नांदेड. ४. शेख सादिक शेख चांदपाशा, वय २६ वर्षे, व्यवसाय मिस्त्रीकाम, राहणार हमीदीया कॉलनी, ईदगाह रोड, देगलूर नाका, नांदेड. ५. शेख नझीर शेख रशीद, वय २७ वर्षे, व्यवसाय मिस्त्रीकाम, राहणार हमीदीया कॉलनी, मलंगबाबा इतवारा, नांदेड. ६. जुबेर खान अकबर खान, वय २१ वर्षे, व्यवसाय मिस्त्रीकाम, राहणार दुलेशाह रहेमाननगर गल्ली नंबर २, नांदेड. ७. सिराज खान अनवर खान पठाण, वय २६ वर्षे, व्यवसाय मजुरी, राहणार घर नंबर २-५-३१२/१ दुलेशाह रहमान नगर वाघी रोड, नांदेड. ८. शेख गौस उर्फ शाहरुख शेख फारुख, वय २३ वर्षे, राहणार घर नंबर १-२-११७८ हाजी किराणा दुकाना जवळ आंबेडकर नगर नांदेड, हल्ली मुक्काम राहणार मिल्लतनगर ईदगाह ग्राउंड जवळ, देगलूर नाका, नांदेड.
पोलिसांनी कोर्टात मांडलेली पोलीस कोठडीची प्रमुख कारणे: नांदेड शहरचे उपविभागीय पोलीस अधिकारी रामेश्वर व्येंजने यांनी न्यायालयासमोर आरोपींच्या पोलीस कोठडीसाठी खालील प्रमुख मुद्दे मांडले होते:
- ३० गंभीर गुन्ह्यांचा रेकॉर्ड: या गुन्हेगारी टोळीतील टोळी प्रमुख आणि सदस्यांवर विविध पोलीस ठाण्यांमध्ये एकूण ३० गंभीर गुन्हे दाखल आहेत. हे गुन्हे करण्यामागील त्यांचा नेमका हेतू आणि कट काय होता, याचा शोध घेणे आवश्यक आहे.
- मोक्का कायद्यांतर्गत सखोल तपास: गुन्ह्यात मोक्का कायद्याचा समावेश करण्यात आल्यामुळे संघटित गुन्हेगारीच्या बाजूने सखोल तपास करणे गरजेचे आहे.
- बेकायदेशीर मालमत्तेचा शोध: टोळी प्रमुख व सदस्यांची जंगम आणि स्थावर मालमत्ता, तसेच बेकायदेशीररित्या मिळवलेल्या संपत्तीची माहिती हस्तगत करायची आहे.
- घरझडती व तपास: अटकेत असलेल्या आरोपींची घरझडती घेणे अजून बाकी आहे.
- इतर साथीदारांचा शोध: या संघटित टोळीमध्ये आणखी इतर कोणत्या सदस्यांचा सहभाग आहे का, याबाबत आरोपींकडे सखोल विचारपूस करायची आहे.
सहायक सरकारी वकील ऍड. यादव तळेगावकर यांनी न्यायालयात पोलिसांची बाजू मांडली. पोलिसांनी तपासासाठी आरोपींची ५ दिवसांची पोलीस कोठडी मागितली होती. न्यायालयासमोर दोन्ही बाजूंचा युक्तिवाद ऐकल्यानंतर, न्यायाधीश तुषार आगलावे यांनी गुन्ह्याचे गांभीर्य विचारात घेऊन सर्व आरोपींना ३१ ऑगस्ट २०२६ पर्यंत ८ आरोपीना पोलीस कोठडीत ठेवण्याचे आदेश दिले आहेत.
