उमरी/धर्माबाद (प्रतिनिधी) – नांदेड जिल्ह्यातील धर्माबाद पोलीस उपविभागाच्या पथकाने मंगळवारी रात्री उशिरा गोरठा कालव्याजवळ चालू असलेल्या एका जुगाराच्या अड्ड्यावर अचानक छापा टाकून सात जुगाऱ्यांना रंगेहात पकडले. पोलिसांनी घटनास्थळावरून रोख रक्कम, जुगाराची साहित्ये आणि चार दुचाकी वाहनांसह एकूण १ लाख ५४ हजार रुपयांचा मुद्देमाल जप्त केला.
मिळालेल्या माहितीनुसार, पोलीस उपअधीक्षक, धर्माबाद यांच्या मार्गदर्शनाखाली पोलीस पथक गस्तीवर असताना गुप्त बातमीदाराकडून माहिती मिळाली की, गोरठा कालव्याच्या परिसरात काही जण अंधाराचा फायदा घेऊन झाटा-माटा या प्रकारचा जुगार खेळत आहेत. बातमीची खात्री पटल्यानंतर पोलिसांनी त्वरित कारवाई करत परिसराला वेढा घातला. पोलिसांनी सात जणांना घटनास्थळीच पकडले, मात्र काही इसम पळून जाण्यात यशस्वी झाले.
अटक करण्यात आलेल्या आरोपींची नावे:
१. दत्ता गंगागौड अनंतवार (वय ३५, रा. भोकर)
२. सुनील साहेबराव वानखेडे (रा. मुधोळ)
३. शेख तौफीक गौस (रा. शिशिक कॉलनी, उमरी)
४. विलास किशनराव पुयड (रा. सिंधी, उमरी)
५. दत्तात्रय रघुनाथ तितराव (रा. गांधी नगर, भोकर)
६. माधव चंदर सावंत (रा. गोरेटा, ता. उमरी)
७. शैलेश शंकर लंके (रा. बिलोली)
जप्त केलेली सामग्री:
· रोख रक्कम: ११,००० रुपये
· जुगाराची साहित्ये (पत्ते)
· ४ मोबाईल फोन (किंमत ₹४८,०००)
· ४ दुचाकी वाहने (किंमत ₹९५,०००)
· एकूण जप्त मुद्देमाल: ₹१,५४,०००
या प्रकरणी उमरी पोलीस ठाण्यात गुन्हा क्रमांक २३१/२०२६, महाराष्ट्र जुगार प्रतिबंधक कायदा कलम १२(अ) अंतर्गत नोंद करण्यात आला असून, पुढील तपास पोलीस उपनिरीक्षक आरमाळ करत आहेत. ही कारवाई मा. डॉ. नीलाभ रोहन, पोलीस अधीक्षक, नांदेड यांच्या आदेशाने, श्रीमती आचर्ना पाटील, अपर पोलीस अधीक्षक, भोकर यांच्या मार्गदर्शनाखाली, दशरथ पाटील, उपविभागीय पोलीस अधिकारी, उपविभाग धर्माबाद यांच्या नेतृत्वात करण्यात आली. या कारवाईत सपोनि कराड, पोउपनि आरमाळ, पोलीस अंमलदार सचिन गडपवार, आचेवाड, चिटपील्ले, सय्यद फहीम, हैबतकर, पाटील यांचा सहभाग होता. नांदेड जिल्हा पोलिसांनी नागरिकांना आवाहन केले आहे की, अवैध जुगार, मटका आणि अन्य बेकायदेशीर कृत्यांची माहिती मिळाल्यास पोलिसांना कळवावी व सहकार्य करावे.
