घरगुती वादातून सासूचा खून

नांदेड, (प्रतिनिधी)-घरगुती वादातून शहीदपूरा भागात जावयाने सासूचा खुन केल्याचा प्रकार सायंकाळी पाच वाजता घडला आहे.
प्राप्त झालेल्या माहितीनुसार शहीदपूरा भागातील गगनसिंग गणपतसिंग मिलवाले उर्फ लक्की याने घरगुती वादातून आपल्या ५५ वर्षीय सासू  बलजीत कौर  सिद्धू  वय (५५) खंजीरच्या साह्याने जबर हल्ला केला. त्यांच्या पोटात आणि अनेक जागी वार केल्याने त्या जागीच मरण पावल्या.
घटनेची माहिती मिळताच पोलीस उपअधीक्षक रामेश्वर व्येंजने, पोलीस निरीक्षक अजित कुंभार, पोलीस उपनिरीक्षक सुनिल बुलंगे यांच्यासह बरेच पोलीस हवालदार घटनास्थळी हजर झाले आहेत आणि पुढील कायदेशीर प्रकिया पूर्ण करत आहेत