पैशांच्या वादातून तरुणाचा चाकूने खून; आरोपी अटकेत

पोलिसांनी दिलेल्या माहितीनुसार, 13 जुलै 2026 रोजी पहाटे सुमारे 3.11 वाजता बंधाघाट येथील मोकळ्या जागेत ही घटना घडली. अमित वर्मा (रा. पानिपत, हरियाणा) याचा महावीरसिंह सुखदेवसिंह (वय 39, रा. रतनगड, अमृतसर, पंजाब) याने पैशांची परतफेड करण्याच्या कारणावरून झालेल्या वादात गळ्यावर चाकूने वार केले. गंभीर जखमी झालेल्या अमित वर्मा यांचा मृत्यू झाला.

या प्रकरणी सरकारतर्फे फिर्यादी विजयकुमार कुसम्या नंदे यांनी दिलेल्या तक्रारीवरून वजिराबाद पोलीस ठाण्यात गुन्हा क्रमांक 358/2026 अन्वये भारतीय न्याय संहिता (BNS) 2023 मधील कलम 103(1) व 352 अंतर्गत गुन्हा दाखल करण्यात आला आहे. घटनेनंतर वजिराबाद २पोलिसांनी तत्काळ कारवाई करत आरोपीला अटक केली असून, खुनामागील नेमके कारण, आर्थिक व्यवहाराचा तपशील आणि इतर बाबींचा तपास सुरू आहे. या प्रकरणाचा पुढील तपास वजिराबाद पोलीस करत आहेत.