नांदेड – राष्ट्रीय महिला आयोगाच्या अध्यक्षा विजया रहाटकर यांनी आज नांदेड जिल्हा कारागृहाला भेट देऊन महिला बंदींची प्रत्यक्ष भेट घेत त्यांच्या अडीअडचणी जाणून घेतल्या. महिला बंदींच्या पुनर्वसनासाठी कौशल्य विकास, मानसिक आरोग्य, कायदेशीर मदत व मूलभूत सुविधा अधिक सक्षम करण्यावर भर देत त्यांनी विविध सूचना संबंधित अधिकाऱ्यांना दिल्या. यावेळी जिल्हा कारागृह अधीक्षक संपत आडे, जिल्हा विधी सेवा प्राधिकरणाचे सचिव शरद देशपांडे, स्वीय सहाय्यक संतोष कुलकर्णी, महिला व बाल विकास विभागाचे उपमुख्य कार्यकारी अधिकारी प्रशांत थोरात, महिला व बाल विकास अधिकारी गणेश वाघ, सहाय्यक अधीक्षक व्ही. एस. मेश्राम, दयावंत काळबांडे, सामाजिक कार्यकत्या शिल्पा नरवडे आदी उपस्थित होते. महिला बंदींशी संवाद साधताना श्रीमती रहाटकर यांनी त्यांच्या वैयक्तिक अडचणी, कारागृहातील सुविधा तसेच जिल्हा विधी सेवा प्राधिकरणामार्फत मोफत विधी सहाय्याची आवश्यकता याबाबत विचारपूस केली. यानंतर कारागृह प्रशासन व जिल्हा विधी सेवा प्राधिकरणाच्या अधिकाऱ्यांसोबत झालेल्या बैठकीत महिला बंदींच्या मुलांसाठी कारागृह परिसरात अंगणवाडी सुरू करण्याची शक्यता, महिला बंदींसाठी कौशल्य विकास प्रशिक्षण, ग्रंथालयाची स्थापना, स्वयंसेवी संस्थांच्या माध्यमातून कलागुणांना वाव देणारे उपक्रम तसेच नियमित समुपदेशनाची व्यवस्था याबाबत त्यांनी चर्चा केली. महिला बंदींच्या मानसिक आरोग्याच्या दृष्टीने मानसोपचार तज्ज्ञांकडून नियमित समुपदेशन व्हावे, सामाजिक कार्यकर्त्यांनी आठवड्यातून किमान दोन वेळा भेट देऊन त्यांच्या अडी-अडचणी जाणून घ्याव्यात तसेच योग, ध्यान, व्यक्तिमत्त्व विकास, धार्मिक व सामाजिक प्रबोधनाचे उपक्रम स्वयंसेवी संस्थांच्या सहकार्याने राबवावेत, अशा सूचनाही त्यांनी दिल्या. कारागृहातील पायाभूत सुविधा अधिक बळकट करण्याबरोबरच महिला बंदींना आवश्यक असलेल्या मूलभूत सुविधांमध्ये सुधारणा करण्याबाबत त्यांनी प्रशासनाला निर्देश दिले. तसेच कारागृहातील उपलब्ध जागा व भविष्यातील सुविधा विस्ताराच्या दृष्टीने माहिती घेतली. भेटीदरम्यान बंद्यासाठी बनविण्यात येणारे स्वयंपाक गृहाची पाहणी करुन जेवण वाटपाची माहिती घेतली. महिला बंदींच्या नातेवाईकांशी व्हिडीओ कॉन्फरन्सिंगद्वारे ई-मुलाखत घेण्यासाठी उपलब्ध असलेल्या कक्षाची पाहणी करून त्याच्या कार्यपद्धतीची माहितीही त्यांनी जाणून घेतली. Kanthak Suryatal Post Views: 374 Facebook WhatsApp Telegram Twitter LinkedIn Snapchat Threads Post navigation दिल्ली दरबारी तलवारी निघाल्या! अमित शाहांच्या खास माणसांवर कोणाची गाज? भाजपमधील पॉवर स्ट्रगलचा सर्वात मोठा गौप्यस्फोट खळबळजनक: मोदी-शहांच्या निवडणूक सिस्टीमवर UN चा सर्जिकल स्ट्राईक? २७ लाख मतदारांचे काय झाले?
