नांदेड मध्ये ४८०० हून अधिक शस्त्रसाठा प्रकरणात आरोपीचा अटकपूर्व जामीन फेटाळला

नांदेड (प्रतिनिधी)-नांदेड ग्रामीण पोलीस स्टेशन येथे दाखल झालेल्या मोठ्या शस्त्रसाठा प्रकरणात अतिरिक्त सत्र न्यायाधीश एस. डी,तावशीकर यांनी आरोपी जसवंतसिंघ प्रकाशसिंघ सुखमणी याचा अटकपूर्व जामीन अर्ज फेटाळला आहे.ता शटर साठी ७ मे २०२६ रोजी जप्त करण्यात आला होता. या शस्त्र साठा जवळपास ४३ लक्ष रूपे किमतीचा आहे.

न्यायालयीन आदेशानुसार, पोलिसांनी एका कारवाईदरम्यान आरोपी अभिजित गिरीधर सतपुते याच्याकडून तलवार आणि कट्यार जप्त केली होती. चौकशीदरम्यान पोलिसांना गुरु रामदासनगर परिसरातील एका ठिकाणी मोठा शस्त्रसाठा आढळून आला. या ठिकाणाहून तब्बल ४७९६ विविध प्रकारची शस्त्रे जप्त करण्यात आली.

या प्रकरणात जसवंतसिंग सुखमानी याचा शस्त्रसाठ्याशी संबंध असल्याचा आरोप पोलिसांनी केला आहे. आरोपीच्या वकिलांनी न्यायालयात दावा केला की, त्यांचा क्लायंट या शस्त्रसाठ्याचा मालक किंवा ताबेदार नाही आणि त्याला खोटेपणाने गोवण्यात आले आहे. तसेच पोलिसांचा माहितीदार असलेल्या सहआरोपीच्या सांगण्यावरून त्याचे नाव गुन्ह्यात टाकण्यात आल्याचेही त्यांनी नमूद केले.

सरकारी वकील  ऍड. यादव तळेगावकर यांनी या अर्जाला तीव्र विरोध केला आहे. त्यांनी सादर केले की, पोलिसांनी मोठ्या प्रमाणात अवैध शस्त्रे जप्त केली आहेत. छाप्यादरम्यान, सध्याच्या अर्जदाराचे नाव उघड झाले आहे. नांदेड शहर आणि परिसरातील गुन्हेगारीचा दर गगनाला भिडला आहे. गेल्या काही महिन्यांत वेगवेगळ्या आरोपींकडून ही घातक शस्त्रे जप्त केली जात आहेत. हा समाजातील कायदा आणि सुव्यवस्थेसाठी एक गंभीर धोका आहे. तपास अधिकाऱ्याने नांदेड येथे मिळवलेल्या शस्त्रांच्या स्रोतासंदर्भात अर्जदाराची कोठडीतील चौकशी करणे आवश्यक आहे. पोलिसांनी सदर शस्त्रांमागील परदेशी राष्ट्रांच्या संबंधांचीही तपासणी करणे आवश्यक आहे. एवढ्या मोठ्या प्रमाणात शस्त्रे कोणत्या उद्देशाने गोळा केली जात आहेत, याचाही तपास करणे आवश्यक आहे. न्यायालयाने निरीक्षण नोंदवताना म्हटले की, एवढ्या मोठ्या प्रमाणावर धोकादायक शस्त्रे सापडणे हे कायदा व सुव्यवस्थेसाठी गंभीर धोका आहे. त्यामुळे आरोपीची कोठडीतील चौकशी आवश्यक असल्याचे मान्य करत न्यायालयाने अटकपूर्व जामीन अर्ज नामंजूर केला.

संबंधित बातमी ….

नांदेड ग्रामीण पोलिसांची राज्यातील सर्वात मोठी कारवाई; ४ हजार ७९६ शस्त्रे जप्त