लातूरमध्ये अवैध गुटखा व मटका व्यवसायावर पोलिसांची कारवाई; ९१ हजारांचा मुद्देमाल जप्त
लातूर (प्रतिनिधी)- नांदेड परिक्षेत्रातील अवैध व्यवसायांना आळा घालण्यासाठी पोलीस उपमहानिरीक्षक शहाजी उमाप यांच्या मार्गदर्शनाखाली विशेष पथकाने लातूर शहरात धडक कारवाई केली. या कारवाईत अवैध गुटखा साठा आणि मटका बुकी प्रकरण उघडकीस आले असून एकूण ९१ हजार १७५ रुपयांचा मुद्देमाल जप्त करण्यात आला आहे.
मिळालेल्या माहितीनुसार, ५ मार्च रोजी विवेकानंद चौक पोलीस ठाण्याच्या हद्दीतील करीमनगर परिसरातील एका घरावर छापा टाकण्यात आला. या कारवाईत अवैधरित्या विक्रीसाठी साठवून ठेवलेला ६९ हजार ४८५ रुपयांचा गुटखा जप्त करण्यात आला. याप्रकरणी इब्रान इसाक पठाण (वय २८, रा. करीमनगर, लातूर) याच्याविरुद्ध विवेकानंद चौक पोलीस ठाण्यात भारतीय न्याय संहितेच्या कलम १२३, २७४, २७५ व २२३ अन्वये गुन्हा दाखल करण्यात आला आहे. या प्रकरणाचा तपास सपोनि वसंत मुळे करीत आहेत.
दरम्यान, त्यानंतर विशेष पथकाने लातूर शहरातील एमआयडीसी पोलीस ठाण्याच्या हद्दीत आमलेश्वर नगर परिसरात रेल्वे लाईनजवळील शिवराज चन्नप्पा शेटे कॉम्प्लेक्स येथे सुरू असलेल्या मटका बुकीवर कारवाई केली. या कारवाईत ११ हजार ६२० रुपये रोख रक्कम व १० हजार रुपयांचा मोबाईल असा एकूण २१ हजार ६९० रुपयांचा मुद्देमाल जप्त करण्यात आला. तसेच या प्रकरणी एकूण १३ आरोपींना ताब्यात घेऊन महाराष्ट्र जुगार कायद्याच्या कलम १२(अ) अन्वये गुन्हा दाखल करण्यात आला आहे.
या दोन्ही कारवायांमध्ये एकूण ९१ हजार १७५ रुपयांचा मुद्देमाल जप्त करण्यात आला. या कारवाईत पोलीस उपनिरीक्षक पंकज इंगळे यांच्यासह पोलीस अंमलदार प्रदीप खानसोळे, संजीव जिंकलवाड, गणेश धुमाळ आणि कामाजी गवळी यांनी सहभाग घेतला.
पथकाच्या उल्लेखनीय कामगिरीबद्दल पोलीस उपमहानिरीक्षक शहाजी उमाप यांनी संबंधित अधिकारी व कर्मचाऱ्यांचे अभिनंदन केले आहे. तसेच नागरिकांनी आपल्या परिसरातील अवैध व्यवसायांची माहिती जवळच्या पोलीस ठाण्यास किंवा ‘खबर’ हेल्पलाईन ९१५०१००१०० वर तसेच nandedrange.mahapolice.gov.in या संकेतस्थळावर कळवून पोलिसांना सहकार्य करावे, असे आवाहनही त्यांनी केले आहे.
लातूर (प्रतिनिधी)- नांदेड परिक्षेत्रातील अवैध व्यवसायांना आळा घालण्यासाठी पोलीस उपमहानिरीक्षक शहाजी उमाप यांच्या मार्गदर्शनाखाली विशेष पथकाने लातूर शहरात धडक कारवाई केली. या कारवाईत अवैध गुटखा साठा आणि मटका बुकी प्रकरण उघडकीस आले असून एकूण ९१ हजार १७५ रुपयांचा मुद्देमाल जप्त करण्यात आला आहे.
मिळालेल्या माहितीनुसार, ५ मार्च रोजी विवेकानंद चौक पोलीस ठाण्याच्या हद्दीतील करीमनगर परिसरातील एका घरावर छापा टाकण्यात आला. या कारवाईत अवैधरित्या विक्रीसाठी साठवून ठेवलेला ६९ हजार ४८५ रुपयांचा गुटखा जप्त करण्यात आला. याप्रकरणी इब्रान इसाक पठाण (वय २८, रा. करीमनगर, लातूर) याच्याविरुद्ध विवेकानंद चौक पोलीस ठाण्यात भारतीय न्याय संहितेच्या कलम १२३, २७४, २७५ व २२३ अन्वये गुन्हा दाखल करण्यात आला आहे. या प्रकरणाचा तपास सपोनि वसंत मुळे करीत आहेत.
दरम्यान, त्यानंतर विशेष पथकाने लातूर शहरातील एमआयडीसी पोलीस ठाण्याच्या हद्दीत आमलेश्वर नगर परिसरात रेल्वे लाईनजवळील शिवराज चन्नप्पा शेटे कॉम्प्लेक्स येथे सुरू असलेल्या मटका बुकीवर कारवाई केली. या कारवाईत ११ हजार ६२० रुपये रोख रक्कम व १० हजार रुपयांचा मोबाईल असा एकूण २१ हजार ६९० रुपयांचा मुद्देमाल जप्त करण्यात आला. तसेच या प्रकरणी एकूण १३ आरोपींना ताब्यात घेऊन महाराष्ट्र जुगार कायद्याच्या कलम १२(अ) अन्वये गुन्हा दाखल करण्यात आला आहे.
या दोन्ही कारवायांमध्ये एकूण ९१ हजार १७५ रुपयांचा मुद्देमाल जप्त करण्यात आला. या कारवाईत पोलीस उपनिरीक्षक पंकज इंगळे यांच्यासह पोलीस अंमलदार प्रदीप खानसोळे, संजीव जिंकलवाड, गणेश धुमाळ आणि कामाजी गवळी यांनी सहभाग घेतला.
पथकाच्या उल्लेखनीय कामगिरीबद्दल पोलीस उपमहानिरीक्षक शहाजी उमाप यांनी संबंधित अधिकारी व कर्मचाऱ्यांचे अभिनंदन केले आहे. तसेच नागरिकांनी आपल्या परिसरातील अवैध व्यवसायांची माहिती जवळच्या पोलीस ठाण्यास किंवा ‘खबर’ हेल्पलाईन ९१५०१००१०० वर तसेच nandedrange.mahapolice.gov.in या संकेतस्थळावर कळवून पोलिसांना सहकार्य करावे, असे आवाहनही त्यांनी केले आहे.
