अवैध गुटखा विक्रेत्यावर नांदेड ग्रामीण पोलिसांचा छापा; 70 हजार 842 रुपयांचा मुद्देमाल जप्त

पोलीस अधीक्षक डॉ. नीलाभ रोहन यांच्या मार्गदर्शनाखाली ही कारवाई करण्यात आली. पोलिसांना मिळालेल्या गोपनीय माहितीनुसार 8 जुलै रोजी नांदेड ग्रामीण पोलीस ठाण्याच्या पथकाने न्यायदनगर परिसरातील शिवम टी हाऊस येथे छापा टाकला. यावेळी रजू पांडुरंग कांघोरे (वय 34, रा. कांघोरवाडी, ता. कंधार) हा शासनाने बंदी घातलेल्या गुटखा व पानमसाल्याची विक्री करत असल्याचे आढळून आले.छाप्यात आरोपीच्या ताब्यातील एमएच-26 बीएन-1245 क्रमांकाच्या ऍक्टिव्हा दुचाकीच्या डिक्कीत ठेवलेला प्रतिबंधित गुटखा, पानमसाला तसेच वाहन असा एकूण 70 हजार 842 रुपयांचा मुद्देमाल जप्त करण्यात आला.या प्रकरणी नांदेड ग्रामीण पोलीस ठाण्यात गुन्हा क्रमांक 845/2026 नुसार भारतीय न्याय संहिता (BNS) कलम 123, 274 व 275 अन्वये गुन्हा दाखल करण्यात आला असून पुढील तपास सुरू आहे. ही कारवाई पोलीस निरीक्षक ओमकांत चिंचोलकर यांच्या नेतृत्वाखाली पोलीस कर्मचारी राम बारहाते, शेख गफ्फार, तेलंग, पवार आदींच्या पथकाने केली.दरम्यान, जिल्ह्यात अवैध वाळू उत्खनन, अवैध दारू, जुगार, गुटखा आदी बेकायदेशीर व्यवसायांविरुद्ध भविष्यातही कठोर कारवाई सुरूच राहणार असल्याचा इशारा पोलीस प्रशासनाने दिला आहे.