उत्कृष्ट कामगिरी करणारे पोलीस अधिकारी व पोलीस अंमलदारांचे कौतुक

नांदेड(प्रतिनिधी)-नांदेड जिल्ह्यातील कौतुकास्पद कामगिरी करणाऱ्या पोलीस अधिकारी आणि यपोलीस अंमलदारांचा सन्मानपत्र देवून पोलीस अधिक्षकांनी कौतुक सोहळा साजरा केला.
पोलीस दलात असलेल्या विविध कामांसाठी उत्कृष्ट तपास, सीसीटीएनएस डाटा भरणे, ई-साक्ष, गुन्हे निर्गती, समस बजावणी, वॉरंट बजावणी अशा प्रकरणात कौतुकास्पद कामगिरी करणाऱ्या पोलीस अंमलदारांचा कौतुक सोहळा पार पडला.
उत्कृष्ट गुन्हे उघड:- पोलीस ठाणे हिमायतनगर येथील गुन्हा क्रमांक 122/2025 मध्ये खून करून एका महिलेच्या अंगावरील सोन्याचे दागिणे चोरून नेणाऱ्या आरोपीला 24 तासात अटक करून त्याच्याकडून 2 लाख 74 हजार रुपये असा मुद्देमाल जप्त केला. त्यात हिमायतनगरचे पोलीस निरिक्षक अमोल भगत, पोलीस अंमलदार नामदेव जाधव, बालाजी पाटील आणि चंद्रकांत अरकिलवार यांची उत्कृष्ट कामगिरी आहे.
वजिराबाद पोलीस ठाण्यातील गुन्हा क्रमांक 246 मध्ये 10.5 तोळे सोन्याचे दागिणे असा ऐवज चोरूला गेला होता. या प्रकरणात पोलीसांनी आरोपींना पकडून त्याच्याकडून 100 टक्के म्हणजे 2 लाख 20 हजार रुपयांचे सोन्याचे दागिणे जप्त केले आहेत. या प्रकरणात वजिराबादचे पोलीस निरिक्षक परमेश्र्वर कदम, सहाय्यक पोलीस निरिक्षक राजू वटाणे, पोलीस अंमलदार रमेश सुर्यवंशी, शेख इमरान यांनी उत्तम काम केले.
सीसीटीएनएस डाटा फिडींग:-पोलीस ठाणे देगलूर यांनी सीसीटीएनएसमध्ये 71 टक्के डाटा फिड करून 143 गुण मिळवले. त्यात पोलीस निरिक्षक मारोती मुंडे, पोलीस अंमलदार किरण कुलकर्णी यांनी उत्कृष्ट काम केले. सोनखेड पोलीसांनी सीसीटीएनएसचा डाटा 72 टक्के भरून 144 गुण मिळवले. यात सहाय्यक पोलीस निरिक्षक पांडूरंग माने आणि पोलीस अंमलदार सुनिता हमपल्ले यांनी उत्कृष्ट काम केले.
ई-साक्ष:- नांदेड ग्रामीण पोलीसांनी ई-साक्ष या ऍपचा वापर करून त्यात 708 एसआयडी क्रियेट केले. त्यापैकी 624 एसआयडी या एफआयआरसोबत लिंक करून पोलीस निरिक्षक ओमकांत चिंचोळकर यांनी उत्कृष्ट काम केले. तसेच माळाकोळी येथे या ई-साक्ष ऍपचा वापर करून 54 एसआयडी तयार करण्यात आले. त्यापैकी 51 एसआयडी एफआयआर सोबत लिंक करून महेश मुळीक यांनी उत्कृष्ट काम केले.
गुन्हे निर्गती:- गुन्हे निर्गतीमध्ये पोलीस ठाणे नांदेड ग्रामीण यांनी माहे जून 2025 मध्ये एकूण 162 गुन्ह्यांची निर्गती केली. त्यात उत्कृष्ट कामगिरी पोलीस निरिक्षक ओमकांत चिंचोळकर यांची आहे.वजिराबाद पोलीसांनी माहे जून मध्ये 101 गुन्ह्यांची निर्गती करून पोलीस निरिक्षक परमेश्र्वर कदम यांनी उत्कृष्ट कामगिरी केली. जून महिन्यात उस्माननगर पोलीसांनी 58 गुन्ह्यांची निर्गती करून सहाय्यक पोलीस निरिक्षक संजय निलपत्रेवार यांनी उत्कृष्ट काम केले.
समन्स बजावणी:- पोलीस ठाणे मुदखेड यांनी 142 समन्स बजावणीमध्ये 93 टक्के काम केले. पोलीस निरिक्षक धिरज चव्हाण आणि पोलीस अंमलदार त्र्यंबक देशमुख यांची ही कामगिरी आहे. पोलीस ठाणे देगलूर यांनी 199 समन्स बजावणी करून 90 टक्के काम केले आहे. त्यात पोलीस निरिक्षक मारोती मुंडे आणि पोलीस अंमलदार चंद्रकांत भाग्यवंत यांचे काम उत्कृष्ट आहे. पोलीस ठाणे सोनखेड यांनी 82 समन्स बजावले असून ते प्रमाण 98 टक्के आहे. सहाय्यक पोलीस निरिक्षक पांडूरंग माने, पोलीस अंमलदार दिगंबर कव्हाळे, गणेश सांजुरे यांचे काम कौतुकास्पद आहे. पोलीस ठाणे इस्लापूर यांनी 130 समन्स बजावणी करून बजावणीचे प्रमाण 88 टक्के केले आहे. सहाय्यक पोलीस निरिक्षक उमेश भोसले, पोलीस अंमलदार गजानन नागरगोजे यांचे हे काम प्रशंसनिय आहे. पोलीस ठाणे अर्धापूर यांनी 65 समन्स बजावणी करून हे प्रमाण 87 टक्के ठेवले आहे. पोलीस निरिक्षक चंद्रशेखर कदम, सहाय्यक पोलीस उपनिरिक्षक बालाजी कोकाटे यांचे हे उत्कृष्ट काम आहे.
वॉरंट बजावणी:- पोलीस ठाणे कुंडलवाडी यांनी 17 वॉरंट बजावणी केली. हे प्रमाण 100 टक्के आहे. सहाय्यक पोलीस निरिक्षक ज्ञानेश्र्वर शिंदे, पोलीस अंमलदार मिर्झा फय्याज बेग यांचे हे काम उत्कृष्ट आहे. पोलीस ठाणे सिंदखेड यांनी 43 वॉॅरंट बजावणी केली. हे प्रमाण 78 टक्के आहे. सहाय्यक पोलीस निरिक्षक रमेश जाधवर आणि पोलीस नाईक रघुनाथ मडावी यांनी हे उत्कृष्ट काम केले आहे.
कौतुकास्पद कामगिरी :- पोलीस अधिक्षक कार्यालय नांदेड पोलीस अधिकारी व अंमलदार यांच्याकडे पाठपुरवा करून त्यांचे मार्गदर्शन घेवून आय गॉट कर्मयोगी ऍपद्वारे 100 टक्के अधिकारी व 97 टक्के पोलीस अंमलदार यांचे आय गॉट कर्मयोगी ऍपवर नोंदणी व पच प्रशिक्षण केलेले प्रमाणपत्र बाबत पुर्तता करून घेवून सहाय्यक पोलीस निरिक्षक वर्षा डहाळे, पोलीस अंमलदार रंजित नरवाडे, शेख अमरीन गोदावरी कुंडगिर, ज्ञानेश्र्वर यन्नावार आणि दिपक राठोड यांनी उत्कृष्ट कामगिरी केली आहे.