अनाथ बालकसोबत साजरा केला श्रेयांश चा प्रथम वाढदिवस;भोकर येथील चक्रावर दाम्पत्याचा नांदेड येथील लहुजी साळवे  अनाथ आश्रमात स्तुत्य उपक्रम

हा आगळावेगळा वाढदिवस धनगरवाडी येथील लहुजी साळवे अनाथ आश्रमात उत्साहात साजरा करण्यात आला. समाजात माणसाची ओळख जात, धर्म, पंथावरून होते. पण दुःखाला जात नसते आणि माणुसकीला धर्म नसतो. ज्यांचा वाढदिवस कोणीच साजरा करत नाही, अशा चिमुकल्यांच्या चेहऱ्यावर हास्य फुलवणे हाच खरा वाढदिवस. दुसऱ्याच्या डोळ्यातील अश्रू पुसणे यापेक्षा मोठी समाजसेवा नाही. अनाथ मुलांसोबत वाढदिवस साजरा करण्याची आमच्या सुनेची संवेदनशीलता मनाला भावणारी आहे.

यावेळी केवळ केक कापून न थांबता आश्रमातील बालकांना “अन्नदान व शालेय साहित्याचे वाटप” करण्यात आले. मुलांच्या टाळ्या आणि निरागस हास्यात श्रेयांशचा पहिला वाढदिवस अविस्मरणीय आणि मनाच्या कोंदणात कायमचा कोरला जाणारा ठरला. या प्रसंगी अनाथाश्रमाचे चालक लालबाजी घाटे, साहेबराव गव्हाणकर, पवन गोनेकर, गणेश कोनेकर, प्रतिभा जाधव व कर्मचारी उपस्थित होते.

 – चंद्रकांत चक्रवार, निवृत्त शिक्षक (आजोबा)