जबरी चोरी व वाहनचोरी करणारी टोळी जेरबंद; तीन गुन्हे उघड, १ लाख १२ हजारांचा मुद्देमाल जप्त

अटक करण्यात आलेल्या आरोपींमध्ये सय्यद आरफात सय्यद हुसेन (वय २६, देगलूर नाका, नांदेड), मोहम्मद मतीन उर्फ तंडी मोहम्मद मुजफ्फर (वय २८, देगलूर नाका, नांदेड) आणि शेख आरबाज शेख अजिज (वय २१, इतवारा, नांदेड) यांचा समावेश आहे.चौकशीदरम्यान आरोपींनी मागील दीड ते दोन महिन्यांत विविध ठिकाणी जबरी चोरी व वाहनचोरी केल्याची कबुली दिली. त्यांनी बिलोली-नरसी रस्ता, नरसी-हैदराबाद रस्ता, मुदखेडजवळील परिसर, नांदेड-नायगाव मार्ग तसेच मारतळा गावाजवळील रस्त्यावर नागरिकांना अडवून मोबाईल व इतर साहित्य चोरल्याचे उघड झाले.

पोलिसांनी आरोपींकडून विविध कंपन्यांचे पाच मोबाईल फोन आणि एक मोटारसायकल जप्त केली. जप्त करण्यात आलेल्या मालाची एकूण किंमत १ लाख १२ हजार रुपये असल्याचे पोलिसांनी सांगितले. या कारवाईमुळे रामतीर्थ पोलीस ठाण्यातील गु.र.नं. ७७/२०२६, रामतीर्थ पोलीस ठाण्यातील गु.र.नं. ११८/२०२६ तसेच नांदेड ग्रामीण पोलीस ठाण्यातील गु.र.नं. ६५१/२०२६ हे तीन गुन्हे उघडकीस आले आहेत. संबंधित आरोपींना पुढील तपासासाठी रामतीर्थ पोलिसांच्या ताब्यात देण्यात आले आहे. या यशस्वी कारवाईत स्थानिक गुन्हे शाखेचे अधिकारी व कर्मचारी यांनी सहभाग घेतला.