नांदेड ग्रामीण पोलिसांची जुगार अड्ड्यावर कारवाई; 2.78 लाखांचा मुद्देमाल जप्त

या प्रकरणी नांदेड ग्रामीण पोलीस ठाण्यात गुन्हा क्रमांक 399/2026 नोंद करण्यात आला असून महाराष्ट्र जुगार कायद्यान्वये कारवाई करण्यात आली आहे. पोलिसांनी घटनास्थळावरून रोख रक्कम, मोबाईल फोन तसेच जुगाराचे साहित्य असा एकूण 2,78,800 रुपयांचा मुद्देमाल जप्त केला. कारवाईदरम्यान शेख अहमद शेख सलीम, मोहम्मद नावीद मोहम्मद रफीक, सय्यद अजर, सय्यद अर्जद, फिरोज खान, अजहर खान यांच्यासह इतर आरोपींना ताब्यात घेण्यात आले आहे.

पोलिस उप अधीक्षक प्रशांत शिंदे यांच्या मार्गदर्शनात पोलीस निरीक्षक ओमकांत चिंचोळकर, पोलीस उप निरीक्षक बी.एन.चव्हाण,पोलीस अंमलदार शेख जमीर,कदम,हणमंत तेलंग यांनी  ही कारवाई केली. तसेच संबंधित पोलीस अधिकारी व अंमलदारांनी मिळालेल्या गुप्त माहितीनुसार छापा टाकून जुगार अड्डा उद्ध्वस्त केला. या कारवाईमुळे परिसरात अवैध जुगार व्यवसायावर आळा बसण्यास मदत होणार असून पुढील तपास नांदेड ग्रामीण पोलीस करीत आहेत.