उमरगा (प्रतिनिधी)- अचलबेट देवस्थान, तालुका उमरगा या पावन भूमीत नुकतेच महाराष्ट्र राज्यव्यापी अभंगवाणी साहित्य संमेलन अत्यंत थाटामाटात संपन्न झाले. संतसाहित्यातील भक्तिरस, ज्ञानपरंपरा आणि अभंग परंपरेची अखंड वाहती परंपरा जपत, राज्यभरातील साहित्यप्रेमींची मेळाव्याला विशेष उपस्थिती लाभली. या पवित्र संमेलनाचे आणखी एक वैशिष्ट्य म्हणजे राज्यातील ५१ गौरवशाली कवींचा उत्स्फूर्त आणि उत्साहपूर्ण सहभाग, ज्यांनी आपल्या ओजस्वी काव्यकुसरीने वातावरणाला भक्तिरस, ज्ञानरस आणि साहित्यसौंदर्याने भारावून टाकले.
या वैभवशाली संमेलनाला सेवानिवृत्त विशेष पोलीस महानिरीक्षक विठ्ठल जाधव यांनी आवर्जून हजेरी लावून कार्यक्रमाचे सौंदर्य आणि मान वाढविला. जनसेवा, कर्तृत्व आणि कर्तव्यनिष्ठेच्या तेजाने उजळलेल्या त्यांच्या व्यक्तिमत्त्वाचे दर्शन म्हणजे संपूर्ण कार्यक्रमासाठी प्रेरणादायी ठरले.
याशिवाय या मंचावर मा. विश्वनाथ तोडकर, प्राचार्य, आळंदी; आदरणीय जीवन भैरवनाथ कानडे, तसेच विद्वत्तेचा सुगंध पसरवणारे डॉ. माशाळकर यांसारख्या मान्यवरांचीही तेजोमय उपस्थिती लाभली. अभंग, वारकरी परंपरा, तसेच साहित्यसेवेसाठी महत्वपूर्ण योगदान देणाऱ्या या मान्यवरांचा संमेलनाच्या वतीने अत्यंत आदरपूर्वक आणि औचित्यपूर्ण सत्कार करण्यात आला.
अभंगवाणीचा स्वर, संतपरंपरेचे स्मरण, ५१ कवींचा काव्यमधुर सहभाग, आणि मान्यवरांच्या गौरवशाली उपस्थितीने कार्यक्रमाला आध्यात्मिक, साहित्यिक आणि सांस्कृतिक असा त्रिवेणी संगम लाभला. ज्याची गोड आठवण उपस्थितांच्या मनात दीर्घकाळ झंकारत राहील.
