नांदेड (प्रतिनिधी) : इंद्रजीत सिंग बावरी यांच्या खूनप्रकरणानंतर परिसरात दहशत निर्माण करणाऱ्या कथित केबी गँगच्या चार आरोपींना पोलिसांनी अटक केली. या आरोपींची पोलीस निरीक्षक ओमकांत चिंचोळकर यांच्या नेतृत्वाखाली काढण्यात आलेली मिरवणूक सध्या चर्चेचा विषय ठरत आहे. ही मिरवणूक केवळ आरोपींना रस्त्यावरून फिरवण्यापुरती मर्यादित नसून, कायद्यापेक्षा मोठे कोणीही नाही, असा स्पष्ट संदेश देणारी ठरली आहे. गुन्हेगारीच्या दुनियेत काही जण पैसा, टोळी आणि दहशतीच्या जोरावर स्वतःला कायद्यापेक्षा मोठे समजू लागतात. सर्वसामान्य नागरिकांना त्रास देताना, धमकावताना किंवा परिसरात आपली दहशत निर्माण करताना आपले काहीच होणार नाही, अशी मानसिकता तयार होते. मात्र, पोलिसांची कारवाई अशा मानसिकतेला थेट उत्तर देणारी ठरते. दादागिरी कितीही मोठी असली, तरी कायद्याची ताकद त्याहून मोठी असते. रस्त्यावरची दहशत काही काळ लोकांना घाबरवू शकते; पण कायद्याची कारवाई अखेर गुन्हेगाराला न्यायव्यवस्थेसमोर उभे करते. त्यामुळे गुन्हेगारीच्या जोरावर स्वतःला भारी समजणाऱ्यांनी ही कारवाई इशारा म्हणून घेण्याची गरज आहे. पोलीस निरीक्षक ओमकांत चिंचोळकर यांच्या कारवाईने एक गोष्ट अधोरेखित केली आहे,दहशत निर्माण करण्याची ताकद टोळीकडे असू शकते; मात्र दहशत संपवण्याची ताकद कायद्याकडे असते. सर्वसामान्य नागरिकांनी गुंडगिरीला घाबरून गप्प बसण्याऐवजी कायद्याचा आधार घ्यावा. तर गुन्हेगारी प्रवृत्तीच्या व्यक्तींनीही आपल्यापर्यंत कायदा पोहोचणार नाही हा गैरसमज कायमचा मनातून काढून टाकावा. कारण शेवटी रस्त्यावरची दादागिरी नव्हे, कायद्याचीच चलती असते. व्हिडिओ क्रमांक एक https://vastavnewslive.com/wp-content/uploads/2026/08/VID-20260817-WA0040.mp4 व्हिडिओ क्रमांक दोन https://vastavnewslive.com/wp-content/uploads/2026/08/VID-20260817-WA0039.mp4 Kanthak Suryatal Post Views: 939 Facebook WhatsApp Telegram Twitter LinkedIn Snapchat Threads Post navigation भाजपमध्ये भूकंप: अमित मालवीय यांची सुट्टी, शाह यांचा नवीन मास्टरस्ट्रोक की २०२९ ची पूर्वतयारी? सभेतील रिकाम्या खुर्च्या आणि महिलांचा आक्रोश: भाजपच्या तथाकथित चाणक्य नीतीला तडे?
