वडगाव खून प्रकरणातील दुसरा आरोपी जेरबंद; नांदेड ग्रामीण पोलिसांची कारवाई

नवीन नांदेड (प्रतिनिधी)-  वडगाव येथील आकाश बालाजी ​पुयड  खून प्रकरणातील दुसरा आरोपी अंकुश रामराव ​पुयड  (वय ३१) याला नांदेड ग्रामीण पोलिसांनी १० फेब्रुवारी रोजी अटक केली आहे.

७ फेब्रुवारी रोजी सकाळी सुमारे १० वाजण्याच्या सुमारास वडगाव, ता. व जि. नांदेड येथे काही जणांनी आकाश बालाजी ​पुयड  या युवकाचा खून केला होता. या घटनेनंतर भारत बालाजी ​पुयड  यांनी दिलेल्या तक्रारीवरून नांदेड ग्रामीण पोलीस ठाण्यात गुन्हा क्रमांक १०९/२०२६ दाखल करण्यात आला होता.

या गुन्ह्याचा तपास सुरू असताना १० फेब्रुवारी रोजी नांदेड ग्रामीणचे पोलीस निरीक्षक ओमकार चिंचोळकर, पोलीस उपनिरीक्षक व्यंकट कुसमे, पोलीस कर्मचारी वसंत केंद्रे, माळगे, समीर​,आसिफ, जमीर​, कांबळे आदींना गोपनीय माहिती मिळाली. संबंधित आरोपी अंकुश रामराव​ पुयड हा तुपा शिवार परिसरात लपून बसल्याची माहिती मिळताच पोलिसांनी तात्काळ सापळा रचून त्याला जेरबंद केले.​ या यशस्वी कारवाईबद्दल इतवारा उपविभागाचे पोलीस उपअधीक्षक प्रशांत शिंदे यांनी नांदेड ग्रामीण पोलिसांचे कौतुक केले आ​हे.