फरारीचा खेळ संपला! अत्याचार प्रकरणातील आरोपी परभणीतून अटकेत

नांदेड (प्रतिनिधी)- भाग्यनगर पोलिसांनी अत्याचार प्रकरणातील एका ४२ वर्षीय आरोपीस परभणी येथून अटक केली आहे. या प्रकरणात आरोपी बालाजी विजयकुमार मंगरूळे (वय ४२) याच्याविरोधात भारतीय न्याय संहितेच्या कलम ६४(२)(एफ), ३५१(२) अन्वये गुन्हा दाखल करण्यात आला होता. सदर गुन्हा १८ डिसेंबर २०२५ रोजी नोंदविण्यात आला होता.पोलीस उपनिरीक्षक नरेश वाडेवाले यांनी दिलेल्या अहवालानुसार, आरोपी परभणी येथे असल्याची तांत्रिक माहिती मिळाल्यानंतर पोलीस उप अधीक्षक रामेश्वर व्येंजने पोलिस निरीक्षक संतोष तांबे, तसेच वरिष्ठ अधिकाऱ्यांच्या मार्गदर्शनाखाली विशेष शोध पथक तयार करण्यात आले.या पथकात सहायक पोलीस निरीक्षक अनुपमा केंद्रे,पोलीस उपनिरीक्षक नरेश वाडेवाले, विनोद देशमुख, विशाल माळवे, गजानन किडे, राजीव घुले, व्यंकट गंगुलवार, विष्णुकांत मुंडे, राहुल लाटकर, देवसिंग सिंगल, नागनाथ चापके, दीपक घोडणे आदी कर्मचाऱ्यांचा समावेश होता. वरिष्ठ अधिकाऱ्यांची परवानगी घेऊन पथकाने परभणी येथे जाऊन आरोपीस ताब्यात घेतले व पुढील तपासासाठी त्याला नांदेड येथे आणण्यात आले आहे.सदर प्रकरणात आरोपी बालाजी मंगरूळ याच्याविरोधात पुढील कायदेशीर कार्यवाही सुरू असल्याची माहिती पोलिसांनी दिली आहे.

Kanthak Suryatal