राष्ट्रीय खेळाडूंना मिळणार नोकरीमध्ये 5 टक्के आरक्षण

नांदेड(प्रतिनिधी)-राज्य शासनाच्या शालेय व क्रिडा शिक्षण विभागाने राज्यातील प्राविण्य प्राप्त खेळाडूंना शासकीय आणि निम शासकीय तसेच इतर नोकरीसाठी 5 टक्के आरक्षण देण्याचा निर्णय घेतला आहे. या शासन निर्णयावर विभागाचे उपसचिव सुनिल पांढरे यांची डिजिटल स्वाक्षरी आहे.
नवीन शासन निर्णयानुसार भारतीय ऑलम्पीक समितीशी संलग्नता/ मान्यता असलेली तसेच अंतर राष्ट्रीय ऑलम्पीक समिती / ऑलम्पीक कॉन्सील ऑफ इंडिया समितीशी संलग्नता/ मान्यता असलेल्या अंतरराष्ट्रीय फेडरेशनशी संलग्न असलेल्या राष्ट्रीय क्रिडा संघटनांनी आयोजित केलेल्या राष्ट्रीय क्रिडा स्पर्धा आणि राष्ट्रीय अजिंक्य स्पर्धामधील खेळाडू शासकीय, निम शासकीय आणि इतर नोकऱ्यांमध्ये 5 टक्के आरक्षण प्राप्त करू शकते.
भारतीय ऑलम्पीक समितीशी संलग्नता/ मान्यता असलेल्या राष्ट्रीय फेडरेशनशी संलग्न असलेली व महाराष्ट्र ऑलम्पीक समितीशी संलग्नता / मान्यता असलेल्या राज्यातील एक विध खेळ राज्य संघटनेद्वारा आयोजित केलेल्या असाव्यात. ज्या खेळाचा समावेश ऑलम्पीक, एशियन गेम्स, कॉमनवेल्थ गेम्स या पैकी कोणत्याही एका स्पर्धेमध्ये असलेल्या खेळाबाबत आरक्षण सुविधा उपलब्ध असते. 5 टक्के खेळाडू आरक्षणा संदर्भातील वेळोवेळी निर्गमित केलल्या शासन निर्णयातील अन्य तरतुदी तशाच लागू राहतील. राज्य शासनाने आपला हा शासन निर्णय संकेतांक क्रमंाक 202505281810412621 नुसार आपल्या संकेतस्थळावर प्रसिध्द केला आहे.