नांदेडमध्ये घरफोडी; सोन्या-चांदीचे दागिने व रोख रकमेसह १ लाख २३ हजारांचा ऐवज लंपास

पोलिसांकडून मिळालेल्या माहितीनुसार, २३ ऑक्टोबर २०२६ रोजी सकाळी ५ वाजेपासून ते २८ ऑक्टोबर २०२६ रोजी सकाळी ९ वाजेपर्यंतच्या कालावधीत रामानंदनगर, नांदेड येथे ही घरफोडी झाली. या कालावधीत अज्ञात चोरट्यांनी फिर्यादी यांच्या घराचे कुलूप तोडून आत प्रवेश केला. त्यानंतर घरातील कपाटात ठेवलेले सोन्या-चांदीचे दागिने आणि रोख रक्कम असा एकूण १ लाख २३ हजार रुपयांचा मुद्देमाल चोरून नेला.

या प्रकरणी विजय प्रल्हाद येरावार (वय ५९, रा. गोकुळनगर, नांदेड) यांनी दिलेल्या फिर्यादीवरून शिवाजीनगर पोलीस ठाण्यात गुन्हा क्रमांक ४६२/२०२६ नोंदविण्यात आला आहे. भारतीय न्याय संहिता २०२३ मधील कलम ३३१(२), ३३१(५) आणि ३०५ अन्वये गुन्हा दाखल करण्यात आला आहे. या प्रकरणाचा पुढील तपास पोलीस कर्मचारी पोहेकॉ/राठोड करीत आहेत. शहरातील घरफोडीच्या या घटनेमुळे नागरिकांनी घर बंद करून बाहेर जाताना सुरक्षिततेची खबरदारी घेण्याची गरज पुन्हा अधोरेखित झाली आहे.