१४२ सहायक पोलीस निरीक्षकांच्या विनंती बदल्या! नांदेड परिक्षेत्रात येत आहेत ५ त्यातही महत्वपूर्ण आगमन चंद्रकांत पवारांचे 

पुणे शहरात पोलीस अधिकाऱ्यांचा मोठा फौजफाटा

या बदली आदेशाद्वारे पुणे शहरात मोठ्या प्रमाणात अधिकाऱ्यांची नियुक्ती करण्यात आली आहे. लोहमार्ग मुंबई येथून लहू रोहिदास सातपुते, मुंबई शहरातून रवींद्रकुमार वैजनाथ वारंगुळे आणि प्रमोद बळीराम बनकर, पिंपरी चिंचवडमधून संजय गंगाधर लोखंडे, तर गुन्हे अन्वेषण विभाग मधून अमित कुंडलिक गोरे यांची पुणे शहरात बदली झाली आहे. याशिवाय, पदोन्नती आदेशाधीन असलेल्या अभिजीत सावंत आणि प्रियांका राजेंद्र गोरे यांना देखील पुणे शहरातच पदस्थापना देण्यात आली आहे.

मुंबई शहरात नव्याने दाखल झालेले अधिकारी

राज्याची राजधानी मुंबईत देखील अनेक महत्त्वाच्या बदल्या झाल्या आहेत. बीडहून भार्गव सुदाम सपकाळ, नवी मुंबईहून एकनाथ विश्वनाथ देसाई, रायगडहून यशवंत भिकाजी कदम, तर सिंधुदुर्गमधून श्रीकांत लक्ष्मण जाधव मुंबई शहरात रुजू होत आहेत. तसेच दहशतवाद विरोधी पथक मधून रोहित कमलाकर नार्वेकर यांची मुंबई शहरात बदली करण्यात आली आहे.

दहशतवाद विरोधी पथक आणि महत्त्वाच्या यंत्रणांमध्ये बदल

सुरक्षेच्या दृष्टीने संवेदनशील असलेल्या दहशतवाद विरोधी पथकात प्रिती अशोक सावंत (मुंबई शहर), श्रीकांत सुधाकर पाटील (नाशिक ग्रामीण), नितीन नारायण रणदिवे (नाशिक ग्रामीण) आणि शिवराज गंगाराम जमदाडे (परभणी) यांची नियुक्ती करण्यात आली आहे. तर शितल भिमराव चव्हाण / शितल विनायक पाटील यांना दहशतवाद विरोधी पथकातच ०१ वर्षाची मुदतवाढ देण्यात आली आहे.

राज्य गुप्तवार्ता विभागात (SID) नव्या नियुक्त्या

प्रियंका वसंतराव फंड (छ. संभाजीनगर), कुलदिप संभाजी पाटील (रत्नागिरी), विक्रम पांडुरंग विठुबाने (धाराशीव), सविता कारभारी सावळा (नवी मुंबई) आणि मल्लिकाअर्जुन गोरखा वाघमोडे (वाशिम) या अधिकाऱ्यांची राज्य गुप्तवार्ता विभागात बदली करण्यात आली आहे.

काही अधिकाऱ्यांना मुदतवाढ

• विलास भास्करराव हजारे यांना छ. संभाजीनगर परिक्षेत्रात १ वर्षाची मुदतवाढ देण्यात आली आहे.
• सचिन सुभाष बनकर यांना लोहमार्ग, छ. संभाजीनगर येथे १ वर्षाची मुदतवाढ देण्यात आली आहे.

बदली झालेल्या सर्व १४२ सहायक पोलीस निरीक्षकांची संपूर्ण यादी

नांदेड पोलीस परिक्षेत्रात बदलून आलेले अधिकारी ५ पुढील प्रमाणे आहेत. त्यात सर्वात मोठे आकर्षण चंद्रकांत पवार ययांचे आहे. आता परिक्षेत्रात येणे आहे. तेव्हा पोलीस उप महानिरीक्षक शहाजी उमाप यांच्या समक्ष हजर होणे आहे.तेव्हा त्यांना तर अगोदरच माहित आहे की चंद्रकांत पवार यांची नांदेड जिल्ह्याच्या प्रगतीसाठी पवार यांची किती मोठी गरज आहे. खरे तर मागील पोलीस अधीक्षकांचा सर्वच प्रकारचा कारभार चंद्रकांत पवारच पाहायचे अशी त्यांची ख्याती आहे. सोबतच  नेत्यांसोबत देव दर्शन घेणे आणि पोलीस अधीक्षक आणि नेत्यांच्या समन्वयक म्हणून वठवायची भूमिका त्यांना सर्वोत्कृष्ट वठवता येते. यांच्या या कलेचा फायदा नांदेड पोलीस परिक्षेत्रातील चार पैकी कोणत्या पोलीस अधीक्षकांना मिळणार यावरच लक्ष लागलेले आहे.