गोवर्धन रस्त्यावर दहशतीचा सावट — चाकूचा धाक दाखवून मोबाईल व रोकड लुटली

नांदेड (प्रतिनिधी)-वजिराबाद भागातील गोवर्धन घाट रस्त्यावर 15 ऑक्टोबर रोजी सायंकाळी सात वाजताच्या सुमारास दोन व्यक्तींनी एका नागरिकाला धाक दाखवून लुटमार केल्याची धक्कादायक घटना घडली. या घटनेनंतर परिसरात भीतीचे सावट पसरले आहे.

तक्रारीनुसार, लक्ष्मण धर्माजी गुरुपवार, रा. चौफाळा इतवारा हे व्यक्ती रस्त्याने जात असताना सुरज हटकर (रा. गंगाचाळ) व त्याच्यासोबत असलेल्या एका अज्ञात साथीदाराने त्यांना अडवले. त्यानंतर धाक दाखवून मारहाण करत त्यांच्याकडील मोबाईल फोन (किंमत ₹10,000) तसेच ₹1,000 रोख रक्कम असा एकूण ₹11,000 किमतीचा मुद्देमाल बळजबरीने लंपास केला.

या प्रकरणी संबंधित तक्रारीवरून गुन्हा क्रमांक 429/2025 नोंदविण्यात आला आहे. गुन्ह्याचा तपास सहायक पोलीस निरीक्षक राजू वटाणे यांच्याकडे सोपविण्यात आला असून, शांत संध्याकाळी अचानक घडलेल्या या प्रकाराने नागरिकांमध्ये धास्तीचे वातावरण निर्माण झाले आहे. रस्त्यावरची सुरक्षितता पुन्हा एकदा प्रश्नचिन्हाखाली आली आहे.

Kanthak Suryatal