26 व्या कारगिल विजय दिवस कार्यक्रमास उपस्थित राहण्याचे आवाहन ;जिल्हा सैनिक कार्यालयात 26 जुलै रोजी कारगिल विजय दिवस कार्यक्रमाचे आयोजन

नांदेड – जिल्हा सैनिक कार्यालयात 26 जुलै 2025 रोजी सकाळी 10.30 वाजता कारगिल विजय दिवस साजरा करण्यात येणार आहे. तरी सर्व माजी सैनिक तसेच शहीद जवानांचे नातेवाईक व समाजातील देशभक्त यांनी या कार्यक्रमास उपस्थित राहावे, असे आवाहन जिल्हा सैनिक कल्याण अधिकारी किरण अंबेकर यांनी केले आहे.

शहीद सैनिकांच्या बलिदानाची कृतज्ञता व्यक्त करण्यासाठी दरवर्षी राज्यात 26 जुलै रोजी कारगिल विजय दिवस साजरा केला जातो. समाजातील नागरिकांमध्ये तसेच 18 ते 25 वर्षे वयोगटातील युवकांमध्ये कर्तव्य भावना व सैनिकांबद्दल अभिमान दिर्घकाळ जिवंत राहावा व आपल्या कर्तव्याची जाणीव समाजातील नागरिकांमध्ये सतत निर्माण व्हावी. देशभक्तीची ज्वलंत उर्जा कायम राहावी म्हणून संपूर्ण देशात दरवर्षी 26 जुलैला कारगिल विजय दिवस कारगिल युध्दामध्ये शहीद झालेल्या जवानांना श्रध्दाजंली अर्पण करुन साजरा करण्यात येतो.

Kanthak Suryatal