नांदेड(जिमाका) – देशातील युवकांना रोजगार, स्वयंरोजगार, कौशल्य विकास व उद्योजकतेच्या अधिकाधिक संधी उपलब्ध करून देण्याच्या उद्देशाने तसेच युवाशक्ती हीच राष्ट्रशक्ती या संकल्पनेतून महाराष्ट्र शासनाच्या कौशल्य, रोजगार, उद्योजकता व नाविन्यता विभागामार्फत पंतप्रधान नरेंद्र मोदी यांच्या जन्मदिवसाचे औचित्य साधून “रोजगार महाकुंभ महाराष्ट्र” हा राज्यव्यापी उपक्रम राबविण्यात येत आहे. या उपक्रमांतर्गत दि. 29 सप्टेंबर 2026 रोजी राज्यभर एकाच दिवशी 500 रोजगार मेळावे व प्लेसमेंट ड्राईव्ह आयोजित करण्यात येणार आहेत. राज्यातील युवक-युवतींना त्यांच्या शैक्षणिक पात्रता, कौशल्य आणि आवडीनुसार विविध उद्योग व आस्थापनांमध्ये रोजगाराच्या संधी उपलब्ध करून देणे हा या उपक्रमाचा मुख्य उद्देश आहे. या अनुषंगाने दि. 29 सप्टेंबर 2026 रोजी आयोजित पंडित दीनदयाळ उपाध्याय रोजगार महाकुंभ या रोजगार मेळाव्यात नांदेड शहर व जिल्ह्यातील जास्तीत जास्त युवक-युवतींनी सहभागी होऊन उपलब्ध रोजगाराच्या संधींचा लाभ घ्यावा, असे आवाहन करण्यात आले आहे. तसेच रोजगार मेळाव्याच्या अनुषंगाने श्री गुरु गोबिंदसिंघजी शासकीय औद्योगिक प्रशिक्षण संस्था, नांदेड येथे दि. 9 ते 11 सप्टेंबर 2026 तसेच दि. 21 ते 24 सप्टेंबर 2026 या कालावधीत विविध मोफत प्रशिक्षणाचे आयोजन करण्यात आले आहे. युवक-युवतींनी या प्रशिक्षणाचा लाभ घेऊन रोजगारासाठी आवश्यक कौशल्ये विकसित करावीत आणि रोजगार महाकुंभात सक्रिय सहभाग नोंदवावा, असे आवाहन संस्थेचे प्राचार्य ए. एस. त्रिचूरकर यांनी केले आहे. Kanthak Suryatal Post Views: 743 Facebook WhatsApp Telegram Twitter LinkedIn Snapchat Threads Post navigation ‘तुमसे ना हो पायेगा!’ म्हणत शिवसेना रस्त्यावर किरकोळ औषध विक्रेत्यांनाच का टार्गेट? घाऊक विक्रेत्यांची सखोल चौकशी करा – केमिस्टांची मागणी