नांदेड पोलिसांची मोठी कारवाई; २४ लाखांचे चोरीचे सोने जप्त, दोन महिलांना अटक

नांदेड (प्रतिनिधी)-  भाग्यनगर पोलीस ठाण्याच्या गुन्हे शोध पथकाने एका चोरीच्या गुन्ह्याचा यशस्वी तपास लावत २४ लाख रुपये किमतीचे सोन्याचे दागिने हस्तगत केले आहेत. या प्रकरणी दोन महिला आरोपींना अटक करण्यात आली असून त्यांच्याकडून १६० ग्रॅम वजनाचे सोन्याचे दागिने जप्त करण्यात आले आहेत.

नेमकी घटना काय? पोलीस पथक पेट्रोलिंग करत असताना त्यांना गोपनीय बातमीदारामार्फत माहिती मिळाली की, श्रीनगर परिसरात काही संशयित महिला फिरत आहेत. या माहितीच्या आधारे पोलिसांनी तातडीने कारवाई करत संबंधित महिलांना ताब्यात घेतले. सीसीटीव्ही फुटेज आणि तांत्रिक माहितीच्या आधारे करण्यात आलेल्या सखोल चौकशीत या महिलांनी चोरीचा गुन्हा केल्याची कबुली दिली.

अटक केलेले आरोपी: १. लक्ष्मी गणेशराव साखरे उर्फ मंजू रेड्डी (वय ४६ वर्षे, रा. भोपाळ, मध्य प्रदेश) २. पूजा सोनू उर्फ लक्ष्मी साखरे (वय २६ वर्षे, रा. चिखलठाणा, छत्रपती संभाजीनगर) या दोन्ही महिलांकडून पोलिसांनी सुमारे १६० ग्रॅम (१६ तोळे) सोन्याचे दागिने जप्त केले आहेत. त्यांच्यावर भारतीय न्याय संहितेच्या (BNS) कलम ३०३(२), ३(५) नुसार गुन्हा दाखल करण्यात आला आहे.

तपास पथकाची कामगिरी: ही यशस्वी कारवाई पोलीस अधीक्षक डॉ. नीलाभ रोहन, अपर पोलीस अधीक्षक  सूरज गुरव आणि पोलीस उपअधीक्षक रामेश्वर वैंजने यांच्या मार्गदर्शनाखाली करण्यात आली. तपास पथकात पोलीस निरीक्षक संतोष तांबे, महेश माळी, पोउपनि विनोद देशमुख, नरेश वाडेवाले, पोहेकॉ विशाल माळवे, विष्णूकांत मुंडे, सुधाकर मलदोडे, राजीव घुले, नागनाथ चापके, राहुल लाटकर, आदनान पठाण आणि अंकुश कांबळे यांचा समावेश होता. नांदेड पोलिसांच्या या उल्लेखनीय कामगिरीचे सर्वत्र कौतुक होत आहे.

Kanthak Suryatal