नांदेडमधून अपहरण झालेल्या अल्पवयीन मुलीचा पंजाबमधून सुखरूप शोध

तपासादरम्यान पोलिसांनी पंजाब राज्यातील पटियाला जिल्ह्यातील दोदरा, ता. समाना येथे मुलीचा शोध घेत तिला सुखरूप ताब्यात घेतले. चौकशीअंती जसपालसिंह उर्फ अवतारसिंह (वय 23, रा. दोदरा, ता. समाना, जि. पटियाला, पंजाब) याच्याविरुद्ध भारतीय न्याय संहितेतील संबंधित कलमे तसेच पोक्सो कायद्यान्वये पुढील कारवाई करण्यात आली. मुलीला आवश्यक संरक्षण देऊन बालसुधारगृहात सुरक्षित ठेवण्यात आले आहे.

ही कारवाई पोलीस अधीक्षक डॉ. नीलाभ रोहन यांच्या मार्गदर्शनाखाली वजीराबाद पोलीस ठाण्याचे अधिकारी व कर्मचारी तसेच सायबर पोलिसांच्या सहकार्याने पार पडली. हरवलेल्या किंवा अपहरण झालेल्या बालकांच्या शोधासाठी सुरू असलेल्या ऑपरेशन मुस्कान मोहिमेत नागरिकांनी तत्काळ पोलिसांशी संपर्क साधून सहकार्य करावे, असे आवाहन नांदेड जिल्हा पोलिसांनी केले आहे.