वक्फ दुरुस्ती विधेयक :ऑल इंडिया मुस्लिम पर्सनल लॉ बोर्डची चळवळ देशभरात सक्रीय

यवतमाळ जिल्ह्यात दोन मोठ्या निषेध सभांचा यशस्वी आयोजन

बोर्डच्या वतीने विदर्भातील (अमरावती, अकोला, बुलढाणा, वाशिम, यवतमाळ) साठी समित्यांची घोषणा करण्यात आली

यवतमाळ- वफ्फ दुरुस्ती विधेयक 2025 च्या विरोधात ऑल इंडिया मुस्लिम पर्सनल लॉ बोर्डने सुरू केलेल्या देशव्यापी निषेध आणि जनजागृती मोहिमेच्या अंतर्गत यवतमाळ जिल्ह्यात दोन मोठ्या निषेध सभांचे यशस्वी आयोजन करण्यात आले. 14 व 15 जून रोजी अनुक्रमे यवतमाळ शहर व उमरखेड तालुक्यात या सभा पार पडल्या, ज्यात आजूबाजूच्या तालुक्यांतील लोक मोठ्या संख्येने सहभागी झाले. ही चळवळ रमजान महिन्यात दिल्लीतील जंतर मंतर येथून सुरू झाली होती, जिथे बोर्डच्या नेतृत्वाखाली उपवासाच्या स्थितीत ऐतिहासिक आंदोलन करत समाजाला जागविण्याची पायाभरणी करण्यात आली. त्यानंतर ईदच्या दिवशी काळ्या फिती बांधून शांततापूर्ण आंदोलन, आणि लाखो लोकांच्या सहभागाने “बत्ती गुल” आंदोलनाच्या स्वरूपात ही चळवळ देशभरात विस्तारली. यवतमाळमध्ये झालेल्या सभांमध्ये बोर्डचे सचिव मौलाना उमरेन महफूज रहमानी, बोर्ड सदस्य मौलाना रफीकुद्दीन अशरफी (परभणी), इलियास खान फलाही (औरंगाबाद), आणि जियाउद्दीन सिद्दीकी (अध्यक्ष वहदत ए इस्लामी) यांच्यासह अनेक प्रमुख व्यक्तींनी सहभाग घेतला. त्यांनी जनतेला वक्फची महत्त्व, विधेयकाचे धोके आणि संविधानिक अधिकारांचे संरक्षण याविषयी जागरूक केले.

या प्रसंगी बोर्डच्या वतीने विदर्भातील (अमरावती, अकोला, बुलढाणा, वाशिम, यवतमाळ) साठी समित्यांची घोषणा करण्यात आली, ज्यामध्ये मुफ्ती फिरोज कासमी -समन्वयक (विदर्भ), मुफ्ती इनामुल्लाह खान – समन्वयक यवतमाळ जिल्हा, आणि मौलाना शारिक व मोहम्मद यासीन मलिक-सहसमन्वयक असे नेमण्यात आले.

वक्फच्या सुरक्षेसाठी चालविण्यात येणाऱ्या या लढ्यात बोर्डच्या नेतृत्वाखालील नेमण्यात आलेल्या जबाबदार व्यक्तींना पूर्ण सहकार्य द्यावे, जेणेकरून ही चळवळ अधिक संघटित, प्रभावी आणि यशस्वी ठरेल. असे आवाहन बोर्डच्या वतीने करण्यात आले

Kanthak Suryatal