देगलूर येथील कृषि विभागाच्या जमिनीवर अतिक्रमण करू नये उपविभागीय कृषि अधिकारी यांचे आवाहन

नांदेड (प्रतिनिधी) – उपविभागीय कृषि अधिकारी देगलूर यांच्या अंतर्गत कृषि चिकित्सालय तालुका बीजगुणन केंद्र देगलूर यांच्या ताब्यात महाराष्ट्र शासनाच्या कृषि विभागाची एकूण 61.58 हेक्टर जमीन असून ती देगलूर-हैदराबाद रोड लगत आहे. यापैकी गट क्रमांक 199 क्षेत्र 13.44 हेक्टर, गट क्रमांक 289 क्षेत्र 1.09 हेक्टर, गट क्रमांक 290 क्षेत्र 0.29 हेक्टर आणि गट क्रमांक 200 क्षेत्र 10.22 हेक्टर या गटाची सीमा शहरालगत आहे. या क्षेत्रावर किंवा देगलूर हैदराबाद रोड लगत असलेल्या कृषि विभागाच्या क्षेत्रावर सीमा निश्चित नाही. सदरील गटांची सीमा निश्चित होईपर्यंत कोणीही या जमिनीवर तारेचे कुंपण, पत्र्याची शेड, अथवा बांधकाम करून अतिक्रमण करू नये. अन्यथा संबंधितांवर महाराष्ट्र महसूल संहिता 1966 अंतर्गत कलम 53, 40 आणि 51 अन्वये कायदेशीर कारवाई करण्यात येईल, असा इशारा देगलूर उपविभागीय कृषि अधिकारी यांनी दिला आहे.

Kanthak Suryatal