नांदेड(प्रतिनिधी)-मुदखेड पोलीस ठाण्याच्या हद्दीत राहणाऱ्या एका 20 वर्षीय युवतीने रस्त्यावर जाता-येतांना अश्लिल चाळ्यांना पाहुन आत्महत्या केल्यानंतर 23 वर्षीय युवकावर गुन्हा दाखल करण्यात आला.
एका 20 वर्षीय युवतीच्या वडीलांनी दिलेल्या तक्रारीनुसार 21 जानेवारी रोजी सकाळी 10 वाजता त्यांच्या 20 वर्षीय मुलीने आपल्याच घरात गळफास घेवून आत्महत्या केली. याचे कारण नमुद करतांना तक्रारीत असले लिहिली आहे की, उध्दव भाऊराव शिंदे (23) हा युवक त्यांच्या मुलीला रस्त्यावरून जाता-येतांना अश्लिल चाळे करत असे, अश्लिल भाषेत शिवीगाळपण करत असे घडलेला प्रकार युवतीने आपल्या वडीलांना सांगितला. याबाबत युवतीच्या वडीलांनी त्या युवकाला विचारणा केली तेंव्हा त्या उध्दव भाऊराव शिंदेने तिच्या वडीलांचा सुध्दा सार्वजनिक ठिकाणी अपमान केला. हा अपमान सहन न झाल्याने तिने आत्महत्या केली आहे.
मुदखेड पोलीसांनी भारतीय दंड संहितेच्या कलम 306, 294 नुसार गुन्हा क्रमांक 21/2023 दाखल केला आहे. मुदखेडचे पोलीस निरिक्षक महेश शर्मा यांच्या मार्गदर्शनात या गुन्ह्याचा तपास करण्याची जबाबदारी पोलीस उपनिरिक्षक माधुरी यावलीकर यांच्याकडे देण्यात आला आहे.
