नांदेड,(प्रतिनिधी)- शहरातील ऑटो चालकांवर अनेक आरोप होत असतात पण त्या व्यवसायात चांगले लोक पण आहेत. याचे उदाहरण समोर आले. एक विदेशी युवती ऑटोत आपला मोबाईल विसरली होती.तो मोबाईल त्या चालकाने वजिराबाद पोलिसांकडे आणून दिला. पोलिसांनी मोबाईल मालकीण युवतीला परत करून ऑटो चालकास बक्षीस दिले.
विदेशातील युवती ऑटो क्रमांक MH 26 N 4566 मध्ये बसून जुना मोंढा येथे उतरली. ती युवती आपला 16 हजार रुपये किमतीचा मोबाईल ऑटोत विसरली. ऑटो चालक संजय सोनकांबळे यांना हि बाब लक्षात आली तोवर ती विदेशी युवती निघून गेली होती.ती विदेशी युवती नांदेड मध्ये नोकरीवर आहे.संजय सोनकांबळेने हा मोबाईल सापडल्याचा प्रकार आपल्या संघटनेचे अध्यक्ष अहेमद (बाबा) यांना सांगितला,कारण जर त्या फोनवर कॉल आला तरी संजय सोनकांबळेला रिसिव्ह करता येणार नव्हता. काही वेळाने त्या युवतीने कॉल केला तेव्हा अहेमद (बाबा) यांनी मोबाईल आहे.आपण पोलीस ठाणे वजिराबाद येथे या सारे सांगितले.
वजिराबादचे पोलीस निरीक्षक जगदीश भंडरवार,टायगर ऑटो रिक्षा संघटनेचे अध्यक्ष अहेमद (बाबा),सदस्य शेख हमीद,ऑटो चालक संजय सोनकांबळे यांच्या उपस्थितीत मोबाईल विदेशी युवतीला परत करण्यात आला. संजय सोनकांबळेची आपल्या व्यवसायाशी असलेली इमानदारी जगदीश भंडरवार यांना भावली आणि त्यांनी आपल्यावतीने संजय सोनकांबळे यांना 500 रुपये रोख बक्षीस दिले. विदेशी युवतीने ऑटो चालक संजय आणि पोलीस दलाचे आभार व्यक्त केले आहे.
