नांदेड

आजार म्हशीला ‘इंजेक्शन’ पखालीला; पोलीस अधिक्षक कार्यालयातील प्रकार

नांदेड(प्रतिनिधी)-पोलीस अधिक्षक कार्यालयाने माहितीच्या अधिकारात कार्यालयात येणाऱ्या जाणाऱ्यांची चौकशी करण्यासाठीचा अर्ज कोणत्याही वरिष्ठ पोलीस अधिकाऱ्याने दिलेला आहे असा अभिलेख उपलब्ध नाही असे उत्तर दिलेले आहे. तरीपण खात्रीलायक सुत्रांनी दिलेल्या माहितीनुसार कोणी तरी सुर्याजी पिसाळाने पोलीस अधिक्षक कार्यालयात काही नमुने पेरून ठेवल्याची धक्कादायक माहिती समोर आली आहे.  ते पेरुन ठेवलेले नमुने कांही लोकांच्या पृष्ठ भागांचे फोटो काढून घेत आहेत. याचा अर्थ, आजार म्हशीला आणि इंजेक्शन पखालीला असाच होत आहे.
                        कांही दिवसांपुर्वीच एका वरिष्ठ पोलीस अधिकाऱ्याने पोलीस अधिक्षक कार्यालयात येणाऱ्या सामाजिक कार्यकर्त्यांची आणि पत्रकारांची तपासणी होणार असे वृत्त लिहिले होते. त्या संदर्भाने एका पत्रकाराने असा अर्ज कोणी दिला याची माहिती पोलीस अधिक्षक कार्यालयात मागितली होती. या माहिती अधिकाराच्या उत्तरात असा कोणताही अर्ज पोलीस अभिलेखावर नाही. असे उत्तर देण्यात आले होते.
                  या संदर्भाने नव्याने प्राप्त झालेल्या माहितीनुसार पोलीस अधिक्षक कार्यालयात येणाऱ्या कांही लोकांचे फोटो काढले जात आहेत. सुर्याजी पिसाळाने पेरलेल्या या नमुन्यांची ताकत समोर उभे राहुन फोटो काढण्याची नाही. असेलही कशी कारण ज्यांचे फोटो पृष्ठ भागातून काढण्यात आले आहेत. त्यांनी स्वत: ची नोंदणी स्वत: करूनच पोलीस अधिक्षक कार्यालयात आले होते.पोलीस अधीक्षक कार्यालयात सीसीटीव्ही आहेत. त्यात तर पार्श्व् भाग येथे आणि समोरचा पण येतो.मग फोटो काय करणार.समोरून फोटो काढण्याची हिंमत का शिकवली नाही त्यांना.
                      आजार म्हशीला आणि इंजेक्शन पखालीला दिले तर पखाल आपली ताकत वापरून ते इंजेक्शनचे दु:ख सहन करेल पण इंजेक्शन देणाऱ्या सुर्याजी पिसाळाला होणारे मानसिक दु:ख कसे कमी होईल. त्यानंतर आपल्या गाडीत बसून नदी पलिकडे जावे लागते आणि तिथे साहारा मिळतो दु:खाचा. अशी परिस्थिती सध्या पोलीस अधिक्षक कार्यालयात सुरू आहे. कोणाचाही कार्यकाळ हा सातबारा केलेला नाही. सुर्याजी पिसाळाच्या सांगण्यावरून फोटो काढणाऱ्यांना सुर्याजी पिसाळ आपल्या सोबत घेवून जाणार नाही, हे त्यांनाही कळले पाहिजे.
Kanthak Suryatal
Chief Editor | VastavNEWSlive.com

Leave a Reply

Your email address will not be published. Required fields are marked *