नांदेड(प्रतिनिधी)-आपल्या सासूचा खुन करून स्वत:ला गळफास लावून घेणाऱ्या मयत आरोपीविरुध्द भाग्यनगर पोलीसांनी गुन्हा दाखल केला आहे.
चक्रधर विजयकुमार भायेकर यांनी दिलेल्या तक्रारीनुसार श्रीकांत शंकरराव पालदेवाड (35) रा.शिवनगाव ता.उमरी याने 4 नोव्हेंबरच्या पहाटे 4 ते रात्री 11 वाजेदरम्यान 25-ए भावसारनगर नांदेड येथील घरात येवून माझ्या पत्नीला नांदण्यासाठी का पाठवत नाही असे सांगून सासु मालिनी हिच्या डोक्यात जाते घालून तिचा खून केला आणि स्वत: आतल्या रुममध्ये जावून सिलिंग फॅनला बेडशिटने गळफास घेवून आत्महत्या केली आहे. भाग्यनगर पोलीसांनी या प्रकरणी गुन्हा क्रमांक 226/2021 भारतीय दंड संहितेच्या कलम 302 आणि 452 नुसार गुन्हा दाखल केला आहे. या प्रकरणी पोलीस निरिक्षक अभिमन्यु साळुंके हे अधिक तपास करीत आहेत. प्राप्त माहितीनुसार श्रीकांत पालदेवाड यांचे सहा वर्षापुर्वी प्रेम प्रकरणातून लग्न झालेले आहे आणि आज या प्रेम प्रकरणाचा अंत असा झाला आहे.
